جملة قالتها سيدة لريهام سعيد فانهالت عليها بالسباب

إنهالت المذيعة ريهام سعيد على احدى متابعاتها بالسباب والاتهامات بعد أن قالت لها " يا ريهام انتي معندكيش دم " .
وقالت "ريهام" : في واحدة اسمها سارة ساسو ومش عارفة دي راجل ولا بنت ومش حاطة صورتها على الفيس بوك عشان تقريباً مش حلوة بتقولي ( انتي والله يا ريهام ما عندك دم فعلاً لانك لو عندك دم مكنتيش قولتي ان كل المشاكل بتيجي من ورا الستات .. بلاش لغة الجمع يا هانم .. العيب بقى من الرجالة الهبلة الي بتمشي ورا الغلط .. حسبي الله ونعم الوكيل فيكي يا شيخة ).
وردت ريهام سعيد: شايفين البداية؟ دي خناقة في الشارع بالمطاوي .. انا لما بقرأ كومنت زي دة بيجيلي كريزة ضحك لأن كل اللي الانطباع اللي انت بتاخده ان دة حد مش مؤدب ومترباش او منفسن أو غيران لأنك كان ممكن تقولي نفس الكومنت دة وتقولي ان لغة الجمع مش صح وممكن المذيعة لما تتكلم لازم تستخدم كلمة "بعض" ووقتها كنت هقولك انك صح انا مش المفروض اني اعمل كدة لان لغة الجمع غلط .
وأضافت : لكن معندكيش دم وحسبي الله ونعم الوكيل فيا؟ ليه؟ اتجوزت جوزك ولا قتلت ابوكي .. دة أي "دبش" وهو دة السواد والحقد اللي جوة أن انا شايف مذيعة ممكن يبقى شكلها مقبول ومشهورة فاخش اقولها انها معندهاش دم والملاية اتفرشت في سنة .
الفيديو: