ناشط يكشف عدة مفاجآت عن اكتشاف الغاز

كشف الناشط "روبرت بطرس" عدداً من المعلومات الخاصة باكتشاف الغاز الذي اعلنت عنه الحكومة لافتاً إلى أن حصة مصر فيه لن تتعدى 25% .
وقال "بطرس" في تدوينة تم تداولها على نطاق واسع: بغض النظر عن اكتشاف ايني لحقل الغاز الجديد ده صحيح اكتشاف جديد ولا ده نفس مشروع بريتش بيتروليم بتاع
north west alex لان المنطقة واحدة مافيش فرق بينهم 50 كيلو وده معناه في اعراف الحقول انه نفس الحقل لانه في نفس الزون "بحسب قوله"
وأضاف: مش ده المهم الاهم مصر رفعت سعر شراء الغاز من إينى وإديسون الإيطاليتين أكثر من 100% .. امتي بقي يا حلوين ؟ 5 يوليو 2015 .. قوم ايه بعد مالعقود تتمضي نكتشف الحقل في شهر اغسطس .. بعد شهر كمان حلوة دي .. وبضعف السعر الي معناه ان حصتنا في الحقل بدل ماهي 50 % حسب اتفاقيات التنقيب هاتبقي حصتنا فيها 25% بس حلو جدا فضل ونعمة "بحسب رأيه"
وتابع : الاجمل بقي ان مصر بتستهلك 2 ترليون قدم مكعب
يعني احنا كده هايبقي عندنا اكتفاء ذاتي حوالي 25 % من ال 30 تريليون الي هي 7.5 تريليون يعني بحساب تزايد الطلب هاكتفي ذاتيا لمدة 3 سنين والباقي في كرش الشركة الايطالية
وصلت ولا لسه ؟؟ "بحسب تساؤلاته"