«القرموطي» يفتح النار على «أسامة هيكل»

انتقد الإعلامي جابر القرموطي، إجراءات التأمين على بوابات مدينة الانتاج الإعلامي، قائلا" أسامة هيكل رئيس مجلس إدارة المدينة بيقول إن التأمين مش مسئوليتي، طيب ياريت يطالب الجهات المعنية بتأمين محترم".
وقال "القرموطي"، مساء الأربعاء عبر برنامجه "مانشيت" على فضائية "أون تي في": "التأمين فاشل، يا سيد أسامة لا تسمع كلام أحد هات اللي واقفين على البوابات، اللي واقف على بوابة 2 كل اللي معه شمسية وورقة وقلم، واللي بيأمن وبيفتش العربيات ماسك مراية زي بتاعت المزين، احنا أكتر ناس بتتواكل على ربنا".
وتابع "شوف التفتيش، اللي بيفتش كأنه بيدور على كيس لب، ليس مع المفتش أي إمكانيات، لو العربية فيها قنبلة ايه التصرف، اختراق مدينة الانتاج الإعلامي سهل جدا".
ومضى بالقول: "الكل لازم يتفتش معروف مش معروف لازم يتفتش، الرئيس لو جاي يتفتش، رئيس الوزراء، أي وزير، حطوا كاميرات على البوابات، اللي بيحصل دلوقتي كأنني داخلين كوكي بارك".