"قواعد القيادة الأربعين بعد غلاء البنزين"

نشر نشطاء على مواقع التواصل الاجتماعى، مجموعة من النصائح وبطريقة لايغيب عنها السخرية، لأصحاب السيارات الملاكى، وذلك بعد قيام حكومة محلب برفع أسعار الوقود ، وجاءت هذه القواعد التى حملت اسم " قواعد القيادة الأربعين بعد غلاء البنزين "على النحو التالى:
1- متشغلش التكييف.
2- مور فى منازل الطريق.
3- ممنوع تحرق على الغيار.
4- بطل العربية و انت نازل تشترى حاجة حتى لو 20 ثانية.
5- متشغلش التكييف.
6- بطل العربية فى الاشارات.
7- متسافرش بالعربية بعد كده.
8- لو معاك عربية اكتر من 1600 CC بيعها.
9- لو معاك عربية اكتر من 1200 CC بيعها برضه.
10- متشغلش التكييف.
11- ممنوع تركب اكتر من اتنين معاك فى العربية.
12- ممنوع تفتح اكتر من شباك و انت سايق.
13- لو السكة زحمة اركن على جنب لغاية ما تسلك.
14- خلى معاك حبل فى العربية عشان حتحتاجة كتير.
15- متشغلش التكييف.
16- لو فى اكتر من عربية فى الأسرة انصحك بالاستغناء عن واحدة ان لم يكن كلهم.
17- شغل التيربو و الديفيل و فلتر هواء الرياضى ده تنزل تشيله و تولع فيه وقتى.
18- حاول تسترزق فى السكة خدلك واحد من الطريق و خد اللى فيه النصيب.
19- الشد مع عربيات فى السكة دى بقت اسمها فقرة الذكريات.
20- ابوس ايدك متشغلش التكييف.
21- اللى معاه جيب او عربية دفع رباعى ده راجل يستحق الصدقة دلوقتى متنساهوش عشان ربنا يفتكرك.
22- عصر الشهامة و انزل اوصلك يا حاج انتهى ياريت تراجع نفسك تانى قبل ما تتشاهم.
23- لو ابوك قالك انزل وصل اختك او انزل هاتلى حاجة اعمل نفسك ميت.
24- القيادة فوق 100 كم/ساعة اسراف و تبذير ربنا حيحاسبك عليه.
25- متشغلش ام التكييف.
26- اللى معاه عربية دلوقتى يستحق اى حسنة..عامله كانه فقير.
27- المشوار اللى اكتر من 20 دقيقة قيادة متروحش بالعربية.
28- لو ساكن بعيد عن شغلك يا تسيب شغلك يا تعزل اوفرلك صدقنى.
29- اى حاجة بتزود فى حرق البنزين صلحها من دلوقتى احسنلك.
30- الغى التكييف من العربية احسن.
31- اتعلم تسوق موتوسيكل او عجلة حتحتاجهم قريب.
32- لو عربيتك قديمة شوية استعمل بنزين 80
33- ادعى ربنا فى صلاتك ان السكة متكونش واقفة و انت بالعربية.
34- حاول تصاحب سواق ميكروباص و انسى ستايلك دلوقتى.
35- متشغلش التكييف عشان خاطر اولادك.
36- الاحتياطى فى التانك اهم من رصيد فى البنك.
37- تسخين العربية ميزدش عن 30 ثانية كحد اقصى.
38- بدل ما تروح لواحد صاحبك بعلبة شيكولاتة خدلك جركن بنزين احسن.
39- متفولش العربية عشان العداد حيغريك انك تمشى اكتر حط 10 لتر بس.
40- متشغلش التكييف حيتخرب بيتك..