الكوسة والمحسوبية .. أشكال وألوان !!!

(نافذة على ماسبيرو)

- تلقيت رسالة من (س . ف ) كشفت عن أحد الأبواب الخلفية للتعيينات داخل ماسبيرو .. وجاء فى الرسالة نصاً : ( عندي سؤال خاص بالتليفزيون و تحديدا القنوات المتخصصه , لما رحت عشان أتقدم كمذيعه .. قالولي إن ما فيش تعيينات جديده و أنهم حتي بيمشوا اللي ما اتثبتش و بعدين لقيت واحده صاحبتى بتقولي انهم كدابين و كمان في عقود بتتعمل من تحت لتحت , و رئيس الاتحاد جاب بنت واحده مذيعة اسمها ( ر .أ ) و عملها عقد من بره اسمه (تعامل ) و بتاخد مرتب أكبر من اللي بشتغل أو زيهم ..أنا عاوزه أفهم الكوسه دي آخرها ايه
و البنت دي في قناه اسمها لايف .. فين بقي قرار الوزيرة السابقة درية شرف الدين اللي بيتحججوا بيه عشان ما يشغلوش حد , ولا القرارات دي علينا احنا بس وعلي ولاد المذيعين و المحاسيب مالهاش اعتبار , والله احنا برضه ولاد ناس بس مالهاش في .....!!!! ) .
هذه الرسالة أنشرها كما جاءتنى وأتمنى أن يكون هناك توضيحات بشأنها لنعرف هل تم وقف التعيينات بالفعل أم أن هناك أبواب خلفية مستمرة حتى الآن ولكن للمحظوظين والمحاسيب فقط !!!!

- بمناسبة الحديث عن الكوسة والمحسوبية يتردد بقوة حالياً أن أحد قيادات ماسبيرو البارزين قام بتعيين إثنين من اقارب زوجته رغم إدعاء عصام الأمير رئيس الإتحاد بأن قرار منع التعيينات الجديدة يتم تطبيقه حالياً !!!! .

- سؤال لمجدى لاشين رئيس التليفزيون : من حقك أن تتخذ قراراً بتطبيق اللوائح على العاملين فى القطاع اذا كانت هناك أية مخالفات .. أقول لك ذلك بمناسبة القرار الذى وافقت عليه بوقف أحمد الشرقاوى المخرج بالقناة الأولى بسبب عمله فى قناة (تن ) الفضائية ومطالبته بكتابة إقرار على نفسه بعدم الجمع بين العمل فى ماسبيرو وأى مكان آخر ..والسؤال : لماذا لم تطبق نفس اللائحة ضد رجب عبد الحميد ( أحد اكبر مديرى الإنتاج فى التليفزيون والذى كان يعمل مدير انتاج ليالى التليفزيون و البيت بيتك القديم و مصر النهارده و حاليا مدير انتاج برامج الفضائيه المصرية ) الذى يعمل فى نفس القناة الفضائية بدون الحصول على اجازه من التليفزيون , كما أن هناك بعض أصدقاءك يجمعون بين العمل فى التليفزيون وبين القنوات الفضائية ومنها قنوات السى بى سى وأنت تعرفهم بالإسم ؟!! ولذلك نسألك : هل اللوائح والقوانين فى ماسبيرو تطبق على الجميع على قدم المساواة أم حسب المصالح والأهواء وال .......................... !!!.

- أحد المخرجين بالتليفزيون يقوم بشن هجوم ضدى عبر جروبات الفيس بوك تقرباً لمجدى لاشين على أمل أن يتم إختياره مديراً لإحدى الإدارات التى سيتم الإعلان عن التقدم لها قريباً ؟ والسؤال لمجدى : هل ستكون (المحلسة ) وسيلة لوصول البعض إلى منصب مدير عام .. العب بعيد يا (....................!!!) .

- أحد (عناتيل ) ماسبيرو قام مؤخرا بالموافقة على تخصيص ميزانيات لبعض المتعاملين والمتعاملات من الخارج ,ومن بينهم بعض الحسناوات التى سبق أن طلب (العنتيل نفسه ) إنهاء التعامل معهن عقب رفضهن ل (...........) ..والسؤال : لما يكون الوقت ما بين طلب إنهاء التعامل وما بين تخصيص ميزانية لا يتجاوز أسابيع قليلة يبقى أكيد الموضوع فيه ( إنه ) ..مش كده ولا إيه يا عنتيل ؟