آباء فى عيد الأم: "هو إحنا كفرة"

أعلن عدد من الآباء عبر مواقع التواصل الاجتماعي, حملة ساخرة للتعبير عن استيائهم من تجاهل الأبناء لهم فى عيد الأم والاهتمام بالأمهات فقط فى ذلك اليوم.
وتنوعت تعليقات الرواد ما بين "هو إحنا كفرة", "عيد الأم هو يوم فتنه واحتراب لولا ستر الله.. إيه شعوك أما ابنك ياخد منك فلوس يجئب هدية تديها لأم وتقولها أنتى بس حبيبتى وأنتى اللى ربتينى وهو قاعد مبتسم بس منجواه بيقولك يابن الكلب يعنى أنا ضيف شرف ولا قاعد فى البيت بلقمتى.. شعور صعب والله.. ولولا عقلانية الآباء الرجال لاشتعلت الفتنة وحرقت المنازل وهدمت على رؤوس قاطنيها لكن الله ينزل السكينة على قلوب الآباء لتسعد الأمهات", "تحية للأب المفحوت المظلوم اللى ما بتفتكرهوش بسؤال.. تحية لأبو الشهيد برضو ما هو قلبو أكيد اتحرق على ابنو .. مش الأمهات بس اللى قلبها بيتحرق..والله الآباء برضو تقريبا كدة بنى آدمين", "الأب ليه متاكل حقه وحقه ياناس مهضوم.. مين اللى ماضى شيكات على نفسه وكمبيالات بالكوم".