نشطاء يسخرون من الإبراشى وعز وحادث الطائرة بطريقتهم الخاصة

كعادة نشطاء مواقع التواصل الاجتماعى يستقبلون الأخبار بموجة من السخرية دشنوا حملة كوميكس ساخرة، أمس، ضمت 5 هاشتاجات كان أبرزها "#ميكروباص خبط طيارة، # الإبراشى بقى سفير نوايا حسنة، # قبضوا على اثنين فى المترو بيتكلموا إنجليزي، #غلق قهوة الملحدين، # أحمد عز هيترشح للبرلمان.
وعلق النشطاء على دفعة الأخبار التى وصفوها بالخير منطقية واللاتى قتلت الخيال على حد وصفهم بأن الإعلام فاق الخيال. وأدى ذهول نشطاء "الفيس بوك" و"تويتر" لعجزهم عن التعليق ولكن لم يعجزوا عن السخرية من الأخبار التي توالت عليهم في بومٍ واحد "و لسه ياما هتشوفوا حاجات وانبهارات"، حيث سخر النشطاء قائلين: "بصحي من النوم
- ميكروباص خبط طيارة، -قبضوا ع اتنين فى المترو بيتكلموا إنجليزي، قفلوا قهوة "الملحدين" ، -بنام تاني ..عبث"
وسخر آخرون: "ميكروباص خبط في طيارة في مطار القاهرة... أكيد كان بيزنق على الطيارة علشان يلحق يأخد الراكب قبلها.مصر بلد العجايب"، "ميكروباص تابع لمصر للطيران خبط في طيارة متوقفة تبع مصر للطيران بردو. السواق أصيب ومحرك الطيارة به تلفيات. زيتنا في دقيقنا" ، "ميكروباص إيه اللى خبط طيارة فى مطار القاهرة ده كمان؟؟ يخرب بيت الخيال العلمى المخلوط بكوميديا سودا اللى احنا عايشين فيه ده!"
ومنهم من شبه الموضوع بأحداث كثيرة على الساحة المصرية " ميكروباص خبط طيارة وقناة السويس بتتحفر على الناشف والسيسى بيحارب الإرهاب والقضاء المصرى شريف ومبارك والعادلى برىء"، "ميكروباص خبط طيارة فى مطار القاهرة.... مصر مصممه تبهر العالم".
وبمنظور آخر "ميكروباص خبط ف طيارة حتى مش عاتقين الطيارات".
وعلى سبيل حدوث المعجزات والغرائب سخر ناشط قائلاً: "ميكروباص خبط طياره دا ناقص الزمالك ياخد الدوري"
ليس هذا فقط ما أذهل المصريين بل تجمعت الانبهارات في يوم واحد بل أيضاً خبر تعيين الإعلامي وائل الإبراشي سفيراً للنوايا الحسنة حيث غرد أحد النشطاء قائلا: "ميكروباص خبط طيارة وقبضوا ع اتنين فى المترو بيتكلمو إنجليزى وقفلوا قهوة "الملحدين" والإبراشى سفير نوايا حسنة في الأمم المتحدة" وآخر غرد قائلاً: "ميكروباص خبط طيارة قبضوا على اتنين فى المترو بيتكلموا انجلش وأحمد عز نازل الانتخابات والإبراشى سفير للنوايا الحسنة.!"