رسالة مؤثرة من زوجه "ماهر" حول حالة ابنائها نتيجة غيابه

قالت ريهام إبراهيم زوجة أحمد ماهر مؤسس حركة شباب 6 إبريل، فى رسالة مؤثرة عما يحدث لأبنائها بسبب غياب والدهم عن المنزل لحبسه على ذمة اتهامه بخرق قانون التظاهر، حيث قالت خلال رسالتها " نضال لاقيته قاعد على الكمبيوتر وبيتفرج على الصور ونده عليا: ماما أحكيلك حدوته .. زمان كان بابا بيجى البيت .. قولتله وبعدين ؟ قالى : خلاص خلصت مش هحكى حاجه تانى" .
وتابعت إبراهيم فى تدوينه لها على موقع التواصل الاجتماعى "فيس بوك " وميرال: "الحمد لله اتعلمت تصلى صح وقالتلى يلا يا ماما نصلى العصر مع بعض وبين السجدتين لاقتها بتدعى وبصوت عال يارب بابا يخف يااارب بابا يرجع بقى ولما خلصنا صلاة بقولها أنت ليه قولتى كده وأنت بتصلى قالتلى صاحبتى فى المدرسه قالتلى لو أنت زعلانة أن باباكى مش معاكى قولى لربنا كتير وأنت بتصلى أنك عايزاه يرجع" .
أحمد:"اليوم ال 51 فى الإضراب عن الطعام حاله آخر زيارة كانت سيئ وهما الاتنين راجعيين مصدومين، مش قادرة أتخيل الزيارة الجايه هتكون حالته ازاى ، لأن خيالى مش عارف يوصل لأسوأ من إللى شوفته، طبعًا خلاص قررت مش هاخدهم معايا زيارة تانى، كتير بلوم نفسى على أنى ببعد وبتفادى الكلام مع ناس كتير من إللى بيحبونى وبحبهم جدًا من أهلى وأصحابي، بس بجد ببقى ما عنديش رد على سؤال ( أحمد عامل أيه ?) ، وانتو عاملين أيه ? لأن ببقى فعلا مش عارفه هو حالته أيه ، هو مش معانا ولا بشوفه غير كل 15 يوما إلا إذا ربنا كرمنا بأى زيارة استثنائية فى أى مناسبة . والطبطبه وكلمه معلش ما بقاش ليها تأثير مع كل الوجع والظلم ده . أنا آسفة".