بالفيديو ..إلهام شاهين: بحب الدين أوي.. وماشية على سنة الرسول

اعتبرت إلهام شاهين، أن رجال الدين المتشدِّدين يمثِّلون إساءة بالغة للدين الإسلامي من جرَّاء ممارساتهم وآرائهم في المجتمع.
وقالت خلال لقائها مع مظهر شاهين على فضائية "التحرير"، عصر اليوم الجمعه: "أنا بحب الدين أوي، وغيورة على الدين بشكل كبير جدًا، وبرضه أنا عارفة إني مش ملتزمة بشكل ملائكي، ومش بقول إني ماشية على تعليمات ربنا بشكل كامل".
وأضافت: "مفيش حاجة اسمها إنسان ملاك، لكن الأخطاء تتفاوت، بمعنى إن الفرد قد يخطئ أو يصيب، ومن الممكن أن يعدِّل مساره أو يعيد ترتيب حساباته، لكن احنا عايشين مع عقول متحجرة مش بتتغير، وواضح إنهم معجبون بطريق الخطأ اللي هما ماشيين فيه".
وتابعت: "احنا في فترة كلها دم وقتل، والتصرفات دي حرام بدون جدال، والأمور دي مش فيها آراء بشر، لكننا بنسمع كلام ربنا سبحانه وتعالى وسنة النبي عليه الصلاة والسلام، ونمشي على النهج ده".
شاهد الفيديو :