قيادى ب6 إبريل يرفض السخرية من صباحى وعلى ويطالبهم بتوحيد الجهود

دافع زيزو عبده، القيادى بحركة شباب 6 إبريل، عن خالد على، المحامى الحقوقى والمرشح السابق لرئاسة الجمهورية، وعن قراره برفض الترشح خلال الانتخابات الرئاسية القادمة، رافضًا موجات السخرية التى طالته وموجات الدعم والتأييد الشديد.
حيث تساءل عبده على صفحته الشخصية بموقع التواصل الاجتماعى "فيس بوك": "لو خالد على كان قرر أنه يترشح الشباب اللى بتمدح فيه كانت هتستمر فى المدح ولا كانت هتتقلب عليه, باختصار عايز أقول إن رأيك مينفعش تحسمه بشكل كامل عن شخص بناء على موقف واحد, يعنى فى تقديرى خالد على إذا ترشح أو لم يترشح هيفضل خالد على اللى بحترمه وممكن اختلف معاه".
كما دافع القيادى بحركة 6 إبريل عن حمدين صباحى، المرشح لرئاسة الجمهورية، قائلًا "نفس الأمر لحمدين صباحى اللى ممكن تختلف معاه ومع آرائه لكن مينفعش تقول إنه خاين أو بارفان للعسكر لأنه مش حمدين اللى هيرضى بالدور ده".
وأضاف عبده، أنه يعلم نوايا حمدين الطيبة من خوض الانتخابات ولا يشكك إطلاقًا فى نواياه، كما يقدر موقف خالد على من عدم مشاركته
وشدد عبده على أنه إذا تم توحيد جميع الجهود ضد الثورة المضادة سيكون أفضل مليون مرة من تقاذف بعضهم البعض وإساءة كل طرف لآخر من معسكر الثورة .