تداول نشطاء علي مواقع التواصل الاجتماعي فيديو لأحد المواطنين يتحدث مع الإعلامي عمرو أديب بطريقة غاضبة. وقال المتصل لأديب: انا مش عارف وضعك بالظبط أيه؟ انت معاهم ولا معانا؟ .. انت مع السيسي ولا ضد السيسي؟ .. انت بتوجدلنا امل وبعدين تتشائم .. دايما متشائم او متفائل واحنا عايزين نعرف وضعك ايه بالظبط ؟ . وأضاف: احنا عايشين في وقت محتاسين فيه وطالع "..." ابونا .. احنا بنعمل كل اللي علينا والناس دي - يقصد الحكومة - بتشغل 48 ساعة مش 24 ساعة .. اديهم فرصة ياخي .. ومادام متعرفش بتتكلم ليه؟ وأردف: مادام معندكش الحل بتتكلم ليه؟ .. انت بتقابل دة ودة .. ما تقولنا ايه الحل ؟ الحل ان احنا عندنا ربنا .. انت نسيت ربنا ولا ايه؟ .. انت كل يوم تعكنن علينا .. وتقولنا هقولكم حاجة توجعكم وتزعلكم .. مادام عارف انها هتزعلنا بتقولها ليه؟ .. دي مش معلومات دة اللي جواك انت . وانهي كلامه قائلا: السيسي هيبقي ريس ومصر هتتقدم ومعانا الدول العربية وربنا قبل كل شئ لازم تفهم كدة .. وانت مش إعلامي .. ومتنفعش تكون إعلامي .. مع السلامة . لمشاهدة الفيديو :