فيديو..خناقة ساخنة بين "منصور" ومنافسه جاسر على الهواء

تبادل المستشار مرتضى منصور، المرشح لرئاسة الزمالك، الاتهامات مع منافسه رؤوف جاسر في تصريحات صحفية عقب ساعات من تقديم أوراق ترشحه لانتخابات النادي .
وقال "منصور" عن "جاسر" "ده واحد بيحقد على نفسه وكاره نفسه وقارفنا بقاله 25 سنة، وكل شوية يدخل مجلس ادارة الزمالك مع رئيس مختلف وبعدين يتقدم باستقالته ويترك المجلس , وبعدين يجي تاني ودا حصل مع جلال ابراهيم ، وكمال درويش ، وممدوح عباس ، ومعي أنا شخصيا ، وحتي مع نفسه فدا معناه إن العيب فيه هو ربنا يتولاه ".
ورد عليه جاسر قائلا " أنا بستقيل بس مدخلتش في مشاجرة مع أحد ولم اتهم أحدا اتهامات باطلة، ولكن مرتضى دخل في خناقات مع كمال درويش وجلال ابراهيم وممدوح عباس واسماعيل سليم واتهمهم جميعا بأنهم حرامية وبعدين دا إنضرب جوه مجلس الادارة من طارق غنيم، واسماعيل سليم، وأمير الرفاعى، وحتى في ستاد القاهرة وكمان القصة مش إنك تكون مشهور لكن المهم تكون مشهور بالأدب والأخلاق ولا بقلة الأدب والأخلاق ".
شاهد الفيديو: