ناشطة تطرح تساؤلات خطيرة على "ماهر" بعد تحريضه ضد "الجيش"

شنت الناشطة شروق هاشم عضو حركة لا للمحاكمات العسكرية هجوماً ضارياً على أحمد ماهر مؤسس حركة 6 إبريل بعد مقاله فى جريدة واشنطن بوست والتى هاجم فيها الجيش ودعا الشعب الأمريكى أن يقطع المعونات الأمريكية عن مصر .
وأضافت عبر الصفحة الرسمية لها أنها عندما بدأت قراءة مقال ماهر كانت تعتقد بأنه مجرد رأى حيث أنه يرى أن 30 يونية انقلاب وأن هناك ديكتاتورية عسكرية ولكنها استنكرت النصف الأخير من المقال حيث كان بحسب رأيها محاولة لإقناع للشعب الأمريكى دافعى الضرائب"على حد تعبيره لإلغاء المعونة العسكرية لمصر.
وتابعت:" ماهر الأول اتكلم عن القانون الامريكى اللى بيمنع اعطاء المعونة لدولة فيها انقلاب..وبعدين اتكلم عن نفسه وعن دومة واحمد عادل و قال إن هو و دومة وعادل"مفجرى الانتفاضة"فى 2011..اولا:مكانتش انتفاضه حضرتك..دى ثورة..ثانيا:الشعب قام بالثورة..مش حضراتكم .. لو مكانش الشعب نزل فى 28يناير.مكانش مبارك مشى..وبعدين ماهر اتكلم إن السجن مانع عنهم هدوم تقيلة وبطاطين وزيارات..طيب حضرتك وصلت مقالك ازاى"
وأردفت:" وبيسأل ازاى ممثلى الكونجرس لما جم ايام الاستفتاء..مزاروش السجون يسألوا رأى المساجين الرافضين للدستور عن رأيهم..معلش حضرتك .. لو يعرفوا إن معاليك مسجون كانوا جولك فورًا..بس أحب افكر معاليك بحاجه أكيد تافهة جد بالنسبه لك..فيه شعب..والديمقراطية بتيجى من رأى الاغلبية .. وأحب برضه أقول للداخلية اللى كانت بتقبض على كل من يروج بلا: أدعى عليكم بأيه و انتم فيكم كل العبر..ليه عملتوا كده؟ ماتسيب اللى يتكلم يتكلم .. انتم يا داخلية اللى مخليين شكلنا سىء وقمعى..ونرجع لأحمد ماهر..يا معالى أحمد باشا ماهر..أحب افكرك بموقف حسن مصطفى لما باسم يوسف اتكلم عنه .. حسن مصطفى لما عرف..قال إن فيه حاجات أهم منه بكتير يتجاب سيرتها..حسن مصطى مع عظمته شاف إنه صغير قصاد تعب الناس من حكم وانتهاكات مرسى "
واختتمت كلامها قائلة:" سؤال:لما المساجين على حد قولك من الثوار بس.ممكن أعرف ذكرت اصحابك فقط بالأسم ليه؟ اه صحيح.انتم البشاوات مفجرى"الانتفاضه"والباقى ياااى"شعب .. بالنهاية أحب أأكد على مبدأ: سيب اللى يتكلم يتكلم..لو سكت واحد مش حتقدر تسكت التانى وبالنهاية رأى الاغلبية من الشعب هو اللى حيتنفذ"