بالفيديو..عمرو أديب: قطر ضربت مصر بالقفا وأنا ميشرفنيش أكون مصرى

شن الإعلامي عمرو أديب هجوما شديدا على الخارجية المصرية بعد رد فعلها على البيان القطري ، مهددا بترك البرنامج إذا حدثت مداخلة مع المتحدث باسم الخارجية.
وقال أديب، مساء السبت، خلال برنامج "القاهرة اليوم" "لايشرفني ان أكون أبن هذه الدولة الضعيفة بعد هذا الرد الضعيف علي بيان قطر ضد مصر، خارجية ضعيفة و فاشلة ومش قد المسئولية ولو كلمنى حد من الخارجية هبهدله يا هسيب البرنامج و أمشى، أنا مقاطع وزارة الخارجية لانها ضعيفة ولا تشرف مصر بعد رد فعلها ضد بيان قطر اللي اهانتنا فيه".
وتابع "من بكرة قطر هتدى المصريين اللي عندها الجنسية القطرية ,, دولتنا هيبقي ردها ايه على التصرف ده ؟! إنتوا ساكتين ليه لبتوع قطر , ليه ماسكين علينا ذلة , إحنا دولة كبيرة وقوية و لازم ردنا يبقى أكبر من كدة، صحيح قالوا لفرعون ايش فرعنك ".
ومضى بالقول " أفتكروا مصر أيام السادات ، لما واحد قال عليه نكته كان رد فعلة ايه ! قطر لم تجرؤ ان تقترب من حسن نصر الله او من بشار الاسد بعد كل اللي عمله، يارب أرحمنا بقي من الاخوان و الانتقاليين ، بقالنا 4 سنين عايشين في منتهي الضعف ، مصر متضعفش بالشكل دا أبداً".
وواصل أديب هجومه "عمرو أديب: لو البلد دى ما تشدتش شده كويسه كلنا هنلبس طرح.. وهنبقي كلنا في سجن واحد".

&feature=youtu.be