"وجع القلب".. فطينة وودانى طويلة !!!

وانا اللى كنت فاكرة نفسى طول عمرى فطينة !!
واترينى ولاااااااا فاهمة حاجة.. وقال كنت فاكرة ان "رامى جان" مسيحى، ومحترم ومسالم وحقانى، لكن فجأة اكتشفت إنه إخوان مسلمين ومجرم وإرهابى !.. وكمان كنت فاكرة الإرهابيين دول ناس بيقتلوا البشر،وفجأة المذيعة الخارقة فهمتنى الحقيقة إلهى يسترها وقالت : إننا حتماً ولزماً نحارب إرهاب الشماتة فى وفاة "النجم"!! "إرهاب الشماااااتة"؟؟!!!! يا سنة سووووخة يا ولاد ده انا طلعت ولا إعلامية ولا بفهم حاجة...وكنت فاكرة كمان إن كل طلبة طب وهندسة ولاد ناس ومتفوقين ، لكن الوحشيييين طلعوا قاتلين قتلة وأغبياء وبيقتلوا بعض ..لااااا وكله كووووم وأطفال اليومين دول اللى كنت فكراهم أبرياء! طلعوا برضه إرهابيين وصفراويين ومولوديين بأربع صوابع ...سبحان الله !..لكن الحمد لله أنا كده فهمت الحقيقة وودانى طوووولت وبقيت ناصحة... وأاااااااه يا وجع قلبى "