هشام الجخ ينعي الفاجومي بقصيدة "مفيش حد مات"

كتب الشاعر هشام الجخ، قصيدة جديدة نعى فيها الشاعر الكبير أحمد فؤاد نجم الذى وافته المنية اليوم الثلاثاء، عن عمر يناهز 84 عاماً، ودفن بمقابر الصدقة بعد تشييع جثمانه من مسجد الحسين.

وكتب "الجخ" قصيدة بعنوان " مفيش حد مات" نشرها عبر حسابه على موقع التواصل الاجتماعي "فيس بوك".. قال فيها:

مفيش حد مات ..

لِسّاه بشعره وقصايده وعبايته وفلتة لسانه ..

وكل الناس اللى ثارت عشانه ..

ولسة الحروف اللى شقّت كيانه ..

وشقت جدار الخضوع والسكات.

مفيش حد مات ..

لسة الكلام اللى طاير حمام ..

وضرب الرصاص اللى من عود (إمام)..

ولسة الضمير اللى رافض ينام ..

بيسهر يوماتى فى كل الحارات ....

ويعلن إنك وشعرك وفنك .. حاجات مش بيغلبها الممات.