مفاجآت خطيرة عن طفل العمرانية الذي تم إختطاف جثته من والده

كشفت شهادات خطيرة من شهود عيان لواقعة قتل طفل العمرانية تفاصيل خطيرة عن قصة الطفل الذي قتل وهوية خاطفيه حيث تبين أن من ظهر معه في الصورة ليس والده .
وقال محمد عبد الوهاب وهو شاهد عيان : بداية قبل ان اكتب كلامي هذا لا يعني اني لا اعتصر حزنا على قتل هذا الطفل
او ان هذا الطفل لم تقتله يد اثمة ....
ماحدث بحسب ما رأته عيني .. كنت بالمستشفى لوجود احد اصدقائي اصيب وراح هناك .. دخل الراجل ده وهو شايل الطفل ده وبمجرد ما وضعه ع السرير .. الطبيب اخبره انه الطفل توفى .... قعد يصرخ ويقول ااااه ياولاد الكلب قتلتوا الواد
وراح سال الدكتور قاله اروح بيه فين دلوقتى ....رد عليه الدكتور وقاله اطلع ع القصر .
خرج الراجل وهو شايل جثة الولد وقعد يقول .. هاقول لابوه ايييه ... هاوريه وشي ازاي ... ادانى الواد ارجعه له ميت ؟؟
وراح مسك التليفون واتصل بحد وقاله ...ايوه ياعم عبدالناصر الواد مات .
لحظات بسيطة وجت مجموعة من الناس ودخلوا ع الراجل والولد وبدوا السباب فى المستشفى والاطباء انهم ما عملوش حاجه مع الولد .. وبداوا يحاولوا ياخدوا الولد من الراجل ده اللى الناس بتقول ابووه وخرجوا بيه خارج المستشفى .. جريت ع الراجل ده وبقوله انت ازاي تسيبه ليهم كده ؟؟؟
قالى دوووول اهلي ..... فالبنسبة لى خلاص اهله واخدوووه
وخرجوا وركبوا توك توك وراحوا ندهوا ع الراجل ده وقالوا له يلا ياعم .. وركب معاهم ومشي
...............
وأضاف : الغريب ان البنت اللى اتصلت بالجزيرة واللى هي صورت الفيديو فضلت مصره ان الولد اتخطف وانا قلت لها انا سالت الراجل ده وقالى ان هما اهله .. فردت عليا وقالت لى اهله ياخدووه بالطريقة دي ؟ وفضلت تزعق فى الناس اللى فى الشارع وتقول لهم الكلاب قتلوووه .. مش هاتحسوا بينا غير لما يقتلوا حد من عيالكم .. هي مش كدابه بس هي من هول الموقف تخيلت شئ واقتنعت بيه.