سخر الناشط الحقوقي هيثم أبو خليل من المعلومات التي ذكرها الإعلامي وائل الإبراشي عن الرفاهية التي يلاقيها السجناء في السجون المصرية . وقال أبو خليل في تدوينة : لآن وائل الإبراشي جايب تقرير عن مطبخ سجن الغربانيات ..المذيع بيسأل الطباخ السجناء بيأكلوا إيه ..؟ فرد عليه حسب رغبة السجين فيه لحمة وفراخ وجمبري وسبيط !!!! .. وعلي فكرة أنا لا أجيدالأصوات الرخيمة إللي بيعملها بعض الإسكندرانية من الفم !!! ...جمبري وسبيط !!!! ده أكل المعتقلين بشهادة أسرهم أخرهم سوس مفول وجبنة بيضاء زي الطوب وعدس وساندوتشين أرز وقطعة لحمة صماء جرداء خرساء سوداء لا دهن فيها ولا ماء مرتين في الأسبوع !!! .. والمسخرة أكتملت جايبيين مشهد فخده وهي بتتشفي في مطبخ السجن...!! ..والسؤال هي الفخدة دي بيأكل منها المساجين !!!! وأضاف ساخرا : طيب بلاش دي خلينا منطقيين .. طالما فيه سبيط وجمبري وفخده والأكل آلا كارت أو منيو والفرق بين الأثنين عايز شرح مش وقته ... ليه أهالي المعتقلين بيتذلوا بالخمس ساعات علشان يدخلوا أكل ملكي لذويهم من خارج السجن ..؟ .. ممكن إجابة يا إبراشي ...؟