تدوينة خطيرة تكشف تفاصيل جديدة لخطة "الإنقلاب" علي مرسي

كشفت الناشطة غادة محمد - أحد أشهر المنشقين عن حركة تمرد - معلومات خطيرة تتعلق بتعاون الحركة مع أجهزة سيادية للمشاركة في عزل الرئيس السابق مرسي .
وقالت غادة في تدوينة علي الفيس بوك : يمكن الكلام جااى متأخر بس بعض الاصدقاء بيلحوا عليه انى اقول اللى عندى واخلص ذمتى .... البدايه كانت لما أحمد طلعت وهو عضو فى المركزية واحد ادمنز الصفحة الرسمية لتمرد كلمنى عنها وافقت على طوووول وقررت اكون معاااهم وقلت وقتها انا بتنفس تمرد .... كانت الامل بالنسبه ليه والمخرج للخلاص من شخص مرسى اللى اهدر الثورة واضاعها مش هطول عليكم ومش هدخل فى تفاصيل انه مكنش عندهم رؤيه ليوم 30 ولا خطه للى حيحصل بعد ما نجمع التوقيعات ولا ازاى ان فى تيارين جوا اللجنه وان الخلافاات كانت كبييره جدا.
وأضافت : المهم بداية شكى فى تمرد حصلت بعد ما نقلنا للمقر اللى فى شارع معروف اللى المفروض ان الشقه بتاعت احمد عبد ربه وطبعا مطلعش كده لانه جااتلى معلومه مؤكده ان اللى بيدفع فلوس المقر واحد اسمه محمود سامى وهو رجل اعمال والوجهه لبعض شركات الخرافى .. ومجرد اسم الخرافى لوحده
هو شيئ كاااارثى ( رجل اعمال كويتى .... هو اللى بعت المحاااامين الكويتين اللى دافعوا عن مبارك ) ........ كلمت حسن شاهين وانا بصوت فيه , اقسم لى انه ميعرفش وانه حالا هينقل ونزلتله لان مكنش فى فلوس للعربيات اللى هتنقل ورق تمرد وفعلا نقلناها للجمعيه الوطنيه للتغيير.
وأردفت: بعد كده ابتديت احس ان فى اوامر بتيجى من فوق مش عارفه منين لسه بس فى حد بيقول حاجه والاربعه المتصدرين المشهد بينفذوها حتى ولو كل الاعضاء رافضين
واجهت حسن بحاجه كانت اتقاالت قدامى وان فى تنسيق بين تمرد وبين المخابرات
واتفااااااااجئت برد حسن عليه ايوه فى تنسيق بس مش مباشر وان ضياء رشوان بيقوم بالدور ده ..... بس اللى عرفته بعد كده ان مش ضياء رشوان لوحده وان حمدين صباحى له دووور كبير فى الموضوع ده وفى نفس اليوم اتفاجئت ان حسن شاهين راح قعد مع تهانى الجبااالى ... طبعا انا فى كل مره من المرات دى بتخاااانق .. وفى كل مره يتقاالى مكنتش اعرف واتفاجئت او اضغط عليا.
وتابعت : القشه اللى قسمت ضهر البعير بالنسبه ليه هى سفرية شرم الشيخ وعرفت ان الناس اللى عامله المؤتمر هناك هم رجاااااااااااااال ( حسين ساااااااااالم ) وبلغت حسن شاهيت وايمن هيكل بكده ... واتفاااااااجئت ان السفريه تمت فعلا وكانت مى وهبه على راس المشااركين فيها ... محمد نصار كان معااهم كلمنى من هناك وهو مضايق وبيقولى كان فى اجتماع مع الناس اللى عامله المؤتمر ومى وهبه رفضت حضوره الاجتماع وقالتله ده اجتماع سرى !!!!!!!!!!!!!!!
المهم وقتها حسن قعد بصوت ويقولى والله راحوا من ورايا
بعد الرحله ب3 ايااام مى وهبه ومحمد عبد العزيز سافروا تانى ومحجزلوهم طيران
من نفس الاشخاص اللى تبع حسين سالم قعدوا معاهم 3 ساعات ورجعوا فى نفس اليوم .... اتخااااااااااانقت خناقه كبييره مع محمد عبد العزيز قدام البورصه وكان حاضر حسن وهيكل و محمود بدر وكان رد عبد العزيز عليه انا اقعد مع اللى انا عايز اقعد معااه.
وأنهت تدوينتها قائلة : دى كانت النهايه اللى بينى وبين الحمله واللى قررت فى نفس اليوم ده انى خلاص انسحب لانى خلاص اتأكدت انهم مش تمام ومش زيى ما كنت متخيله ان فى واحد بس هو اللى مش كويس كمان واضح انهم بيعملوا كل ده بأرادتهم ومش مضحوك عليهم ولا حاجه ... او حتى زيى ما حسن كان بيقولى ان فى ضغوط وان فى حاجات بتتفرض عليهم غصب عنهم .... ده كل اللى حصلى مع تمرد وطبعا الاسماء الى ذكرتها لها حق
الرد عليها و مانو الشرقاوي من الناس النضيفه اللى انسحبت وممكن يؤكد او ينفى كلامى كمان احمد طلعت انسحب لانه نضيف وممكن يؤكد او ينفى كلامى.