فيديو .. مذيع الجزيرة يتسبب في "موقف صعب" لسليمان جودة

تعرض الكاتب الصحفي سليمان جودة لموقف محرج علي يد الإعلامي زين العابدين توفيق المذيع بقناة الجزيرة .
وحدث سجال كلامي بين توفيق وجودة حينما قال الاخير ان إعتصامي رابعة والنهضة كانا مسلحين .. وحينها قال له توفيق : هفترض ان كلامك صح هاتلي اي قاعدة في القانون المصري تقول انك تحرق المعتصمين .. هاتلي أي قاعدة في قواعد الاشتباك تقول انك في مرحلة معينة تحرق خيام المعتصمين .. فقال له جودة : محدش حرق الخيام .. انتوا في التقرير الي ذيعتوه من شوية بتقولوا ان فيه شخص كان ماشي كدة في حاله والظابط راح ماسكه وحارقه كأنه بيتربص بالناس والمواطن دة ملاك .. فعلق توفيق ساخرا : لا الظابط هو اللي ملاك .. عموما فيه واحد مات واتحرق والظابط متحاكمش .. دي عدالة تسير في مسار مستقيم ولا تسير في مسار مائل؟
وعلق جودة قائلا: لما يبقي فيه اعتصام مسلح استمر 48 يوم مش 48 ساعة .. يبقي الدولة تقف ساكتة؟ دة مبيحصلش في اي مكان في العالم كله .
وعلق توفيق قائلا : في بريطانيا اعتصم اشخاص امام مجلس العموم البريطاني اللي هو مصدر السلطة 4 سنوات .. وقاطعه جودة : كان اعتصام مسلح؟ .. فقال توفيق : ومين قالك ان رابعة كان مسلح؟ .. فقال جودة : مشوفتش السلاح اللي في النهضة؟ .. فسأله توفيق: وانت شوفته بعينك؟ .. فأجاب : طبعا شوفته بعيني .. فسأله توفيق : شوفته بعينك فين؟ انت رحت رابعة ولا رحت النهضة اصلا؟ .. فقال جودة : ومين قالك اني مرحتش؟ انا رحت .. فسأله توفيق بحدة : ايه نوع السلاح اللي شوفته؟ قولي نموذج واحد .. ولكن جودة أصر علي التهرب من الاجابة .. ومع اصرار توفيق قال : كان فيه قنابل في الاعتصام .. فقال توفيق : قولي نوعها ايه؟ حضرتك صحفي كبير .. لما بتشوف سلاح بتبقي عارف نوعه . فقال جودة : لما اعتصام يبقي فيه قنبلة دة سلاح ولا وردة؟
فقال توفيق : عموما لا التلفزيون المصري ولا الداخلية بينتلنا أي سلاح .
وقام توفيق بإعادة نشر الفيديو علي صفحته الشخصية معلقا : حين يكون الكذب بلا أرجل.
لمشاهدة الفيديو :