المغير: "إحنا بنكرر تجربة 54"

قال أحمد المغير -أحد شباب الإخوان- إن الجماعة تبالغ في الثقة في بعض القيادات التي قد تكرر ما فعله عبد الناصر معهم.
ونشر المغير عبر تدوينة على "فيس بوك" حوارًا دار بين اثنين من الإخوان المسلمين إبان ثورة يوليو كالتالي:
- يا إخوانا أنا بقلكم أهو: جمال عبد الناصر ده نيته مش سليمة وبيدبر لمصيبة هتصيبنا كلنا
- إزاي يا أخي اتقي الله! إزاي تقول الكلام ده على "أخونا" عبد الناصر؟؟ انت متعرفش هوا عمل إيه للدعوة؟
وعلق قائلاً: "ده كان نص حوار دار بين أخين من الإخوان في اجتماع بيناقش أوضاع ثورة يوليو سنة 1953 تقريبًا, الإخوان نفضوا لأخونا الأولاني وأخدوا بكلام الأخ التاني، إزاي نقول كدة على "أخونا" جمال عبد الناصر اللي بنثق فيه فكانت النتيجة إن مصر لبست أكتر من 60 سنة في حكمه هوا وأتباعه وبعدها بسنة واحدة دخل الإخوان السجون في مذبحة الإخوان الأولى سنة 1954".
وتساءل: "هل هنكرر نفس الخطأ أو المصيبة دي تاني؟.. الإجابة : "إحنا مش لسه هنكرر إحنا بنكرر فعلا".