فيديو .. أديب للمرشد: "ازاي تبقي محبوب والناس بتضربك؟"

تساءل الإعلامي عمرو أديب عن كيفية حب الناس للفصيل الحاكم في مصر في الوقت الذي يتعرض الناس لهم بالضرب في بعض الاماكن .
وقال أديب : أحب أدائما أن أخص الاخوة مشاهدي بالبرنامج بأشياء يستمتعون بها .. سأحدثكم عن الضبطية القضائية وعن المرشد الذي تم الاعتداء علي في "سيتي ستارز" وتلك الاشياء اللطيفة .
وتساءل أديب : "ازاي تبقي حاكم في دولة ومتعرفش تمشي فيها؟ في تناقض غريب في الناس الي بتحكم الوطن .. يعني ازاي مش عارف تمشي علي قدمين وسط الناس ؟ .. يعني ازاي فضيلة المرشد مش عارف يتغدي هو واسرته في سيتي ستارز .. وإزاي هو غير آمن وسط الناس؟ .. ازاي الناس اللي بتحكم البلد اللي المفروض انهم محبوبين وتم انتخابهم شرعيا ورسميا .. ازاي الناس دي مش محبوبة وغير امنة ؟ وازاي لما يصلوا بيصلوا بحراسة ؟ .. أغلب قيادات الاخوان والحرية والعدالة بقوا ماشيين بحراسة .. كنت بشوفهم زمان ماشيين في الشارع عادي دلوقت خايفين يمشوا .
وأضاف أديب : شاب راح للمرشد وتبادل معه الحوار .. الأمر تطور بيهم .. جيه الناس بتوع الفندق فصلوا بينهم .. وطبعا علي تويتر مكتوب المرشد أتبهدل .. وممكن يكونوا دلوقت بيقولوا مفيش ضرب ... وانا مقولتش ان حصل ضرب .. ولكن سؤالي هو : ازاي انت محبوب اوي كدة والناس بتضربك ؟ انا متخيلش ان جمال عبد الناصر او السادات كان ممكن يتضربوا في حتة .. اللي بعديهم دة كان ممكن يتضرب .. ولكن الغريبة تبقي انتا الحزب الحاكم والمحبوب والاكثر شهرة والاسلامي والي الناس بتحبه وتبقي خايف كدة ..
وأردف : انا مش مع العنف وكل شئ يكون بالحوار ... لو عايز تتكلم مع المرشد سهل الوصول اليه .. اي مواطن يقدر يوصل للمرشد