أبو حامد يدعو الشعب للنزول لمواجهة الإخوان غدا

طالب الدكتور محمد أبو حامد ، عضو مجلس الشعب السابق ، بضرورة النزول غدا الثلاثاء لمواجهة حكم جماعة الإخوان المسلمين الذي وصفه ب"العار" و"خيانة" الدكتور محمد مرسي ، على حد قوله .
وقال أبو حامد ، اليوم الاثنين ، في تغريدات على موقع "تويتر" للتواصل الاجتماعي "عشان الأنفاق إللي بيحموها في سيناء وإللي بيدخل منها الإرهاب والأسلحة لازم ننزل بكرة ضد الإخوان ".
وأضاف "عشان الجماعات المتطرفة إللي طلعوها من السجون و دخلوها البلد من كل مكان و إللي سبوهم يحتلوا سيناء لازم بكرة ننزل ضد الإخوان".
ومضى بالقول "عشان متجارتهم بالدين و إساءتهم للإسلام و تزويرهم لوعي الناس وأفكارهم و تقسيمهم للمجتمع وتشويهم للتاريخ لازم ننزل بكرة ضد الإخوان".
وتابع "عشان سرقوا الثورة و قتلوا الحلم و تجروا بالشهداء و شوهوا المجتمع وعشان اللجنة التأسيسية الباطلة إللي مرسي عايز يحصنها عشان تعمل دستور طائفي يرجع مصر لعصور الظلام لازم ننزل بكرة ضد الإخوان".
وقال أبو حامد "عشان بيحكمنا فعليا مكتب إرشاد باطل فاكر مصر تكية عايز يأخون الدولة و شاطره يكوش على الإقتصاد و يخترق الجيش و الشرطة ، وعشان علاقاتهم المشبوه مع قطر إللي عايزه تسرق قناة السويس لازم ننزل ضد الإخوان".
وواصل أبو حامد الدعوة في تغريده للنزول بالقول " عشان الإعلان الباطل إللي سماه مرسي دستوري و إللي هيخليه يحكم مصر لوحده كأنه إله و إللي هيدخل مصر في حكم دكتاتوري وإعتدائه على القضاء و تحديه للقانون و الدستور لازم ننزل بكرة ضد الإخوان.