«أبو حامد»: أدعم «شفيق» حفاظًا على مدنية الدولة والهوية المصرية

قال محمد أبو حامد، عضو مجلس الشعب السابق، إنه يدعم الفريق أحمد شفيق، في جولة الإعادة بانتخابات الرئاسة حفاظًا على مدنية الدولة والهوية المصرية.
وكتب «أبو حامد»، في تغريدات على موقع التدوينات القصيرة «تويتر»: «الإخوان بيحشدوا لبكرة بقوة. لازم تنزل بكرة وتختار الفريق أحمد شفيق. لو عايز مصر مدنية وتحافظ على الهوية المصرية».
وأكد أن مقاطعة جولة الإعادة في الانتخابات الرئاسية وإبطال الأصوات تصب لصالح جماعة الإخوان المسلمين، ولن يؤثر في شرعية الانتخابات، مضيفًا: «لازم تنزل بكرة، وتنتخب عشان نحافظ على مصر مدنية».
ووصف مقاطعة الانتخابات ب«الرومانسية السياسية»، ولن يترتب عليها أي شيء غير دعم الإخوان، انزل و ادي صوتك للفريق أحمد شفيق عشان مصر متبقاش قندهار.
وتابع: «الإخوان هما اللي بيجهضوا الثورة ويتأمرون عليها، وتخلوا عنها مرة بعد مرة متخلهمش يضحكوا عليك تاني، فكر بدل متشتم افتكر بدل مضيع الفرصة وتندم».