«زمردة»: كنت بمارس الرذيلة مع الزبائن في السيارة بعلم والدتي

نظرت محكمة جنح القاهرة الاقتصادية، اليوم الأربعاء، قضية شريفة رفعت، وشهرتها "شيرى هانم"، وابنتها "زمردة"، بتهمة الاعتداء على القيم الأسرية، وممارسة على الدعارة.
وخلال التحقيقات، أدلت المتهمة نورا هشام علاء الدين، الشهيرة ب"زمردة" باعترافات تفصيلية في القضية رقم 2128 لسنة 2020 جنح مدينة نصر أول، حيث قالت: "اللي حصل إن أنا كنت عايشة مع والدي ووالدتي وسنة 2005 انفصلوا ورحت عشت مع والدتي في العمارة بتاعة جدتي في مدينة نصر، وأمي كانت في مشاكل بينها وبين خالى وإن جدتي كتبتله كل حاجة باسمه بيع وشراء واحنا ساعتها كان والدي بيبعتلي فلوس ودى اللى كنا بنعيش بيها".
وأضافت زمردة: "اتجوزت من حوالي سنة ونص جواز عرفي لمدة 10 أيام، وعشان إحنا مش معانا فلوس لقيت واحد متجوز هيتجوزني عرفي ويديني مهر 80 ألف جنيه، وبعد 10 أيام حسيت إني مش عايزة أكمل فقولتله ننفصل، وطبعا والدتي كانت على علم وعارفة بالجواز عشان كنا عايزين أي فلوس".
وعلقت على رسائل بينها وبين والدتها حول شخص يدعى "ك. م"، قائلة: "أيوه الرسائل دي كانت بيني وبينها عشان تبقى عارفة أنا بعمل إيه، والشخص ده واحد كنت هقابله وهي كانت عايزة تعرف أنا هاخد كام، والشخص ده انا كنت معشماه إن هيبقى فيه بينا علاقة جنسية وإني هقضى معاه ليلة ويديني فلوس".
وتابعت: "أنا بصراحة كنت بضحك عليه، ولما روحت اتحججت إني عندي ظروف وأخدت 4 آلاف جنيه ومشيت وعملت له بلوك، وأنا كنت بقول لأمي إن في ناس على إنستجرام عايزة تقابلني ويكون في علاقة جنسية، وكنا بنتفق ازاي اقابلهم وامشي بدون مايحصل علاقة كاملة، ومعظم علاقاتي ماما كانت عارفاها، لما كنت بنزل مع أشخاص في عربياتهم ويحصل علاقة جنسية بس مش كاملة واخد الفلوس وامشي، وماما كان دورها إنها تقولي ازاي اتحجج عشان أهرب من العلاقة الجنسية الكاملة".
وأوضحت زمردة، حول محادثة تضمنت إيحاءات جنسية بينها وبين والدتها، أنها كانت في سيارة مع شخص يدعى "أ" وتحدثت والدتها لتسألها عن مكانها و"هتاخد كام"، وقالت: "وفعلا نزلت معاه في العربية وعملنا علاقة بس مش كاملة وأخدت الفلوس ومشيت"، مؤكدة: "إحنا كنا بنصرف الفلوس على إيجار الشقق والمعيشة ومكنش في فلوس تاني".
وأضافت: "في مرة كنت مزنوقة في فلوس واتعرفت على شخص اسمه "م. ع"، وقولتله أجيلك الشقة في الزمالك وروحتله وأخدت 4 آلاف جنيه، وواحد تاني اسمه "ف" وجالي شقة أرض الجولف وعملنا علاقة جنسية بس مكملناش ومشي واداني الفين جنيه، وماما ملهاش دعوة بموضوع العلاقات الجنسية أنا اللي كنت بعملها وبجيب الفلوس".
واستكملت زمردة: "بعد كده اتعرفت على واحد اسمه فريد على فيسبوك، واتفقنا إن هو يجيلي البيت وهيديني ألفين جنيه، وفعلا جالى البيت اللى انا كنت مأجراه أنا وأمى في أرض الجولف، وساعتها أمي كانت موجودة في البيت وقلت لها تنزل علشان في ناس أصحابي هييجوا يقعدوا معايا، وبعد ما نزلت جالى الشخص اللى اسمه فريد ودخل معايا الاوضة وابتدى يحصل بنا علاقة جنسية بس إحنا مكملناش واداني الفلوس ومشي".