بعد مرضه..فنانون داعموا رامي جمال :"ممنوع تغيب"

ساند عدد كبير من الفنانين المطرب رامي جمال، بعد إعلانه عن أصابته بمرض البهاق، وذلك عبر حسابه على "تويتر".
وكتبت رامي جمال، ايضًا في منشور له على ال"فيس بوك"،" الحمد لله الذي أحبني ‏فابتلاني، وأقدرني على الصبر من فترة ظهرت بقع بيضا في جسمي وبالكشف عرفت إنه البهاق، وجربت ‏انواع علاج كتير ودكاترة كتير ومفيش فايدة، رضيت وسلمت أمري لله علشان عرفت إن الزعل بيزوده وكفاية ‏شغلانتي وصعوبتها والقلق الدائم من المستقبل".‏
اليسا : "ممنوع تغيب"
من جانبها، دعمت الفنانة اللبنانية اليسا، رامي جمال، في تغريدة لها عبر "تويتر"، ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول:أصل الحكاية مش حماية "شكل"... حكاية روح ?".
وتعاطف كثير من متابعي اليسا مع رامي جمال، وجاءت التعليقات كالاتي :" يارامي صدقني #البهاق دا قلبك الأبيض الجميل طغا ع جلدك
مشكلة مجتمعنا نظرة الناس للشخص بس..وحقيقة أكتر حاجة محزنة إن الإنسان يفكر يختفي خوفا من نظرة الناس ليه،،الله يحرق المتنمرين مافي غياب واعتزال ابدا يلا قوم منتظرين ابداعاتك مع اليسا ونجوم الوطن العربي ياجمال القلب والروح♥ ? "،" كلامك يلامس القلب ومتل ماقالت اليسا ممنوع تغيب ♥ ?♥?
".
راندا البحيري:"تولع الناس"
كما دعمت الفنانة راندا البحيري رامي جمال، بمنشور لها عبر حسابها على "انستجرام".
ونشرت راندا، صورة للفنان رامي جمال، وعلقت " الحمدلله علي كل شئ
أنا بحبك أوي يا رامي و إنت أكيد عارف ده. ربنا يقدرك علي اللي هتشوفه أكيد من المجتمع. بس أنا عن نفسي بنصحك... تولع الناس. و خليك مع القريبين. و إنجح. و إشتغل أكتر من الأول كمان. بحبك جدا".
حمدي الميرغني ممازحًا:"كل ما تشوفني احمد ربنا"
وعلق الفنان حمدي الميرغني على هذا الخبر، معلنا دعمه لرامي وداعيا له بالشفاء، ثم وجه حديثه له عبر حسابه على "انستجرام، كاتبا: "ربنا يشفيك يا رامي ده مش حاجة أصلا.. ده الصداع أصعب منه ياخويا الناس كلها بتحبك.. وكل ما تشوفني احمد ربنا واعرف إنك في نعمة".
زينة : اعتبرني من أهلك
وفي السياق، كشفت زينة أنها لا تجمعها برامي جمال أي علاقة صداقة سابقة ولكنها من محبي فنه.
وعلقت "زينة" عبر حسابها على "انستجرام"، على منشور رامي جمال، الذي اعلن فيه اصابته عن المرض، قائلة: "انسان محترم ربنا يعفوا عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس".
بينما علقت لطيفة، قائلة: "حبيب قلبي يا رامي يا مبدع يا محترم يا مختلف اوعى تفكر كده، أول حاجة لازم تقول الحمد الله، تاني حاجة دي حصلت لناس كتير واتعالجت منها، وبعدين إحنا بنحبك على موهبتك وفنك الرائع وكل جمهورك، وأنا منهم بنبقى مستنيين".
أما إيمي سالم فعلقت: "كمل واعمل اللي بتحبه واحنا معاك وفي ظهرك"، وايمان العاصي كتبت: "حبيبي يا رامي إنت أقوى من أي حاجة وفنان وموهوب وكل ده ولا حاجة قصاد حبك لفنك وموهبتك وربنا يعينك على ناس عديمة الإحساس".
كما وجه الفنان عمر السعيد، رسالة الي رامي جمال: "بنحبك زي مانت"، وخالد عليش: "يا باشا بنحبك زي مانت"، والشاعر تامر حسين علق: " يا حبيبي يا روما.. إحنا في ضهرك دايمًا.
ممنوع تغيب وممنوع يكون البهاق عذر لغيابك. إنت بتقول ابتليت بالبهاق، بس مش سبب لتخاف وتغيب. في ناس ابتلت بالكذب والخيانة والسرقة وما هزت. وجودك أساسي ومتل ما إنت بتقول:
أصل الحكاية مش حماية "شكل"... حكاية روح ?@RamyGamal https://t.co/YhH3raZCxf
— Elissa (@elissakh) November 11, 2019
View this post on Instagram
#الحمدلله علي كل شئ أنا بحبك أوي يا رامي و إنت أكيد عارف ده. ربنا يقدرك علي اللي هتشوفه أكيد من المجتمع. بس أنا عن نفسي بنصحك... تولع الناس. و خليك مع القريبين. و إنجح. و إشتغل أكتر من الأول كمان. بحبك جدا ??#راندا_البحيري @ramygamalmusic
A post shared by Randa Elbehairy (@randaelbehairyofficial) on Nov 11, 2019 at 12:36am PST
View this post on Instagram
انسان محترم ربنا يعفوا عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ماتشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس @ramygamalmusic ?????? #keepgoingramygamal
A post shared by Zeina Reda (@zeinareda29) on Nov 10, 2019 at 3:55pm PST