فنان شهير يعلن شفاءه من مرض السرطان

أعلن المطرب الشاب شريف شاكر شفاءه بنسبة كبيرة من مرض سرطان الدم ، وذلك بعد عام كامل من العلاج .
وقال "شاكر" في تدوينة عبر حسابه ب"فيس بوك" : "شريف شاكر هزم السرطان، عمليا أنا تقريبا علّمت على السرطان، فاضل آخر بزل نخاع شوكي يوم 20/6 عشان أعرف نسبة السرطان في الدم وصلت لكام/ بس علميا وعلى كلام الدكاترة والاستشاريين، أنا السرطان مش هيسيبني، وإن النوع بتاعي نسبة رجوعه 80??".
وتابع: "بس أنا عندي أمل ويقين بالله إني هكون من ال20??، وحتى لو رجعلي تاني إن شاء الله برضه هكون راضي كل الرضا وجاهز له وهعلِّم عليه تاني، بحمد ربنا إنه ميّزني وكرمني بالسرطان عشان يعلّي من قدري ويقربني ليه وينفع بيّا ويغيرلي حياتي للأحسن، لسه مش مصدق إني عديت من المِحنة دي وإني لسه عايش وإني خرجت من المستشفى. لسه مش مُدرك إزاي هتعامل مع العالم الخارجي بعد 9 شهور حبسة مستشفيات وعلاج، لسه مش متخيل إني هعيش في وسواس رجوع السرطان، وإني هكون مُضطر أروح المستشفى أتابع كل كام يوم عشان أتأكد إن السرطان لسه مارجعليش، لسه مش عارف إزاي هنتظم لمدة سنة إني آخد 10 أدوية مرتين أو تلاتة في اليوم من غير ما أزهق أو أنسى، لسه مش عارف إزاي هتعامل مع ولادي اللي غايب عنهم الفترة دي كلها".
ووجه شريف الشكر لمؤسسة مصر الخير والأكاديمية العربية والعلوم والتكنولوجيا بالإسكندرية، والأطباء والممرضين والفنانين والرياضيين والإعلاميين الذين اهتموا بحالته.