عبد الحفيظ يرد على دعوة "مرتضى" لتحكيم مباريات الزمالك بتصريح عجيب

رد سيد عبد الحفيظ - مدير الكرة بالنادي الأهلي - على تصريحات أمير مرتضى - المشرف العام على فريق الكرة بالزمالك - والتي اقترح فيها أن يقوم "عبد الحفيظ" بتحكيم مباريات الزمالك.
وقال "عبد الحفيظ" خلال استضافته ببرنامج "اللعيب" المذاع على قناة "MBC مصر" : "تصريح لذيذ وحلو .. طالما أنت بتتكلم بأسلوب فيه احترام واحتراف وحاجة حلوة وتقديرية للخصم حتى لو المنافس الرئيسي بتاعك فدي حاجة كويسة ومفيش مشكلة وسيبك من التصريحات اللي فيها إهانات وحاجات شخصية لكن واحد بيقول تصريح لذيذ يبقى حلو .. بس بقوله اثبت على موقفك".
وأضاف: "أنا نفسي أوصل لكدا .. يعني أقول تصريح ولا حاجة يترد عليا بتصريح لذيذ زي ما قولتلك لكن فيه احترام للشخص .. أنتا بتلعب لعبة وكل واحد بيحاول يجيب التاني لملعبه".