خرجت المذيعة مي حلمي عن صمتها، بعد إلغاء حفل زفافها على الفنان محمد رشاد، وأكدت أن ما حدث خلاف وارد بين أى طرفين، مطالبة الجميع بعدم الخوض في حياتهما الشخصية. وكتبت مي حلمي عبر صفحتها الرسمية على إنستجرام، :“شكرًا لكل الناس اللي بتحبنا والزملاء اللي اطمنت عليا وسألت عني، قبل أي حاجة أنا مجاليش جلطة الحمد لله ولا الكلام دا مجرد ضغط نفسي وانسداد في الشعب الهوائية بقالي كام يوم، ودا أكيد بسبب اللي حصل. وأضافت “أن ما حدث خلاف وارد بين أي طرفين ومشاكل حياتنا الخاصة تخصنا لوحدنا وإحنا قادرين نحلها بكافة الطرق لأنها حياتنا إحنا وكشخصيات عامة محدش له يدخل ويتكلم ويحلل ويقول ضريبة الشهرة لا حياتنا الخاصة مش للشهرة، مش هطلب منكم غير الكلمة الطيبة”. وأختتمت مي حديثها قائله: “ياريت نتعلم من الأمثال إلي ليها حكمة، العروسة للعريس والجري للمتاعيس، في الاخر كل الى داخل بين البصلة وقشرتها خارج، عمركم شفتو بصل من غير قشر مش هينوبكم غير ان كل الي قال كلمة وحشة هتقعد له وهيبقالنا الحلو كله”.