«وحشاني يا أختي».. هدية «غنوة» ل«أنغام»

كشف الشاعر الغنائي مينا مجدي، عن آخر ما طلبته الفنانة الراحلة غنوة شقيقة المطربة أنغام، مؤكدًا أنها قبل وفاتها طلبت منة بشكل شخصي أن يكتب لها أغنية لتفاجئ بها أنغام.
وقال مجدي، عبر صفحته على فيس بوك: «جاء بعد بعد مكالمة طويلة كانت ما بيني وبينها.. مكالمة كانت مليانة دموع وحنين لذكرياتها القديمة مع أختها.. كل الناس كانوا عارفين إن انغام وغنوة بقالهم فترة كبيرة قاطعين علاقتهما مع بعض.. وبدون دخول في أي تفاصيل.. كان بقالهم سنين لا بيتكلموا ولا بيتقابلوا.. وده كان مسببا جرحا كبيرا في قلب غنوة.. وفى يوم من الأيام كتبت بوست وطلبت فيه من الناس اللي بتتابعني أنهم يعملوا منشن لأكتر حد واحشهم .. واتفاجئت ساعتها لما لقيت غنوة كاتبة اسم أنغام ف كومنت".
وتابع: "فى نفس اليوم اتصلت بيها واتكلمنا.. وعرفت منها أنها برغم كل الخلافات اللي بينها وبين أختها إلا إنها لسة بتحبها.. بتحبها ومحتاجة لوجودها فى حياتها زي زمان.. ووصلنا لنتيجة إني هكتبلها أغنية تقدمها مفاجأة وهدية لأنغام.. علشان يرجعوا لبعض تاني ويدوب ما بينهما أي زعل.. وفعلا الأغنية اتلحنت وسمعها والدها وأشاد بيها".
وجاء ضمن كلمات الأغنية التي كتبها مجدي: «وحشاني يا أختي جدآ .. وحشتني الذكريات .. مهما الأيام خدتنا .. عمري ما انسي اللي فات .. في بيننا حاجات كتيرة،. وانتي يا أختي الكبيره.. عندي ست البنات».
يذكر أن غنوة توفت منذ أيام إثر حادث أليم، وكان أبرز أعمالها مسلسل "الأب الروحي"، والذي تعرض حلقاته الآن.