مفاجأة| «وحشاني يا أختي».. هدية «غنوة» ل«أنغام» قبل وفاتها

أكد الشاعر الغنائي مينا مجدي، أن الفنانة الراحلة غنوة شقيقة المطربة أنغام، طلبت منه بشكل شخصي قبل وفاتها أن يكتب لها أغنية لتفاجيء بها أنغام.
وقال مجدي، عبر صفحته على فيسبوك، إن: «ذلك جاء بعد بعد مكالمة طويلة كانت ما بيني وبينها .. مكالمة كانت مليانة دموع وحنين لذكرياتها القديمة مع أختها .. كل الناس كانوا عارفين إن انغام وغنوة بقالهم فترة كبيرة قاطعين علاقتهم مع بعض.. وبدون دخول ف أي تفاصيل.. كان بقالهم سنين لا بيتكلموا ولا بيتقابلوا.. وده كان مسبب جرح كبير في قلب غنوة.. وف يوم م الأيام كتبت بوست وطلبت فيه من الناس اللي بتتابعني أنهم يعملوا منشن لأكتر حد واحشهم .. واتفاجئت ساعتها لما لقيت غنوة كاتبة اسم أنغام ف كومنت .. ف نفس اليوم اتصلت بيها واتكلمنا.. وعرفت منها أنها برغم كل الخلافات اللي بينها وبين أختها إلا إنها لسه بتحبها.. بتحبها ومحتاجه لوجودها ف حياتها زي زمان.. ووصلنا لنتيجة إني هكتبلها أغنية تقدمها مفاجأة وهدية لأنغام .. علشان يرجعوا لبعض تاني ويدوب ما بينهم أي زعل .. وفعلا الأغنية اتلحنت وسمعها والدها وأشاد بيها»..
وجاء ضمن كلمات الأغنية التي كتبها مجدي: «وحشاني يا أختي جدآ .. وحشتني الذكريات .. مهما الأيام خدتنا .. عمري ما انسي اللي فات .. في بيننا حاجات كتيره .. وانتي يا أختي الكبيره .. عندي ست البنات ».
يذكر أن غنوة توفت منذ أيام إثر حادث أليم، وكان أبرز أعمالها مسلسل "الأب الروحي"، والذي تعرض حلقاته الآن.