بالصور.. رسالة مؤلمة من المواطنين لوزير الصحة أمام "الإسعاف"

"ارحمونا عيالنا بتموت، مفيش بنسلين، حسبنا الله ونعم الوكيل".. كلمات مؤلمة رددها العديد من أهالي المصابين بالحمى الروماتزمية أمام صيدلية الإسعاف بمنطقة وسط البلد.
وفي البداية يقول عم محمد"، "جاي من الصعيد عشان أخد حقنة واحدة لبنتي المريضة، لأنها مش متوفرة عندنا في البلد".
وتابع الرجل الخمسيني في حزن شديد وملامح التعب تكسو وجه: "دي ثالت مرة أجي ومخدش الحقنة ووزارة الصحة بتقول أنها وفرت لينا البنسلين طب هو راح فين إحنا عيالنا بتموت ومش قادرين نعمل حاجة".
ليلتقط طرف الحديث مواطن آخر، قائلاً: "رايح جاي علي الحقنة بقالي أكثر من ثلاثة شهور ولسه ماخدتهاش، وبنتي تعبانة في البيت مش عارف أعالجها إزاي"، متابعا: "أنا من الشرقية، وسألت علي حقنة البنسلين في الصيدلية عندنا الدكتور قال سعرها 60 جنيه وممكن توصل ل100 جنيه، جيت هنا عشان اشتريها ب10 جنيه وفي الآخر مش موجودة".
ويقول مواطن صعيدي يدعي سيد كمال: "جاي من بني سويف عشان أخد حقنة وبنتي مش قادرة تمشي علي رجلها عشان معاد الحقنة عدى عليه أربع أيام ودايخ عشان أجيبها مش عارف".
واستكمل المواطن ل"المصريون" بصوت يملأه الحزن: "أشمعنا عندنا هنا في مصر اللي فيها أزمة في العلاج ليه في بلدنا المريض بيتاهن ويموت من كتر الوجع وعدم توفير العلاج".
وأضاف "وزير الصحة قال أن الوزارة وفرت 100 ألف وحدة بنسلين طب هما فين إحنا جايين من آخر الدنيا عشان ناخد حقنة وفي الآخر مش بناخدها، وكلنا علي بعض 200 مواطن لو كلام الوزارة صح أكيد مش هنكون واقفين الواقفة دي من الصبح عشان حقنة واحدة".
وطالب وزير الصحة بتوفير العلاج لمرضي الحمي الروماتزمية قائلا: "
يا سيادة وزير الصحة لو مش قادر توفر لنا العلاج ياريت تقدم استقالتك".