هاجم الإعلامي عمرو أديب، الحكومة والمسئولين بسبب انتشار القمامة بشوارع مصر، قائلًا "إحنا زهقنا من الكلام عن تدوير الزبالة، وإن الزبالة دي فلوس، أيوه هي فلوس لكن بتعملوا بيها إيه؟ الدنيا مليانة زبالة، زبالة غير طبيعية ومحدش بيشيل، ويجب أن الحكومة فاشلة في لمّ الزبالة، زي ما هي فاشلة في إدارة أي مشروع". وأضاف "أديب"، خلال تقديمه برنامج "كل يوم"، عبر فضائية "ON E "، "الزبالة مالية البلد، في شوارع مفيهاش غير زبالة، القمامة في مصر مشكلة حكومة وشعب، الشعب حجته الأساسية هيرمي الزبالة فين؟ قال يعني لو في صناديق هيحط الزبالة فيها". تابع: "يا ريت تجيبوا قطاع خاص يشيل الزبالة، ويكون شيل الزبالة مقابل التدوير، لأن الدولة لا منها بتبيع الزبالة ولا بتشيلها، الزبالة دي قُبح وأمراض وبتخلي شكلنا وحش قدام السياح". واستكمل: "الأنظمة التي تعاقبت على حكم مصر فشلت في حل أزمة القمامة"، مطالبًا رئيس الوزراء بإقامة مؤتمر قومي ل"الزبالة"، مرددا "الموضوع ده مهم جدًا ومحدش عارف يعمله حاجة". شاهد الفيديو..