بالفيديو.. أحد مصابى جزيرة الوراق يروى مشاهد الرعب

قال فرج راشد، أحد المصابين، بطلقات الخرطوش في أماكن عديدة من الجسم، "الحكومة عاوزة تهد البيوت كلها اللي موجودة في الجزيرة، ولما رفضنا ضربوا علينا نار وعساكر الأمن المركزي والضباط ضربت الحريم، وتابع مفيش حد من المحافظة ولا الداخلية قال لنا أنهم جاين يهدوا البيوت صحينا من النوم لأقيتهم بيهدوها علينا، وإحنا مش هنفرط في بيوتنا والأرض لو حصل أيه".
وأضاف: فرج ل"المصريون"، "المصابون اللي راحوا مستشفي النيل عشان يتعالجوا اتقبض عليهم عشان محدش يحكي اللي حصل من الداخلية وإنها ضربت علينا رصاص حي".
وكانت قوات أمن مديرية الجيزة، قامت بهدم عدد من منازل جزيرة الوراق في السادسة صباحًا أمس حتى الثانية عشرة ظهرًا، ما أسفر عن حدوث اشتباكات بين قوات الأمن وسكان الجزيرة، ونتج عنها مقتل الشاب سيد الطفشان، البالغ من العمر 23 عامًا، وطفلين آخرين وإصابة 19، بينهم حالتان خطيرتان بمعهد ناصر.