بالفيديو.. شقيقة ضحية الوراق: "الداخلية هى اللى موتته"

تجمهر المئات من أهالي جزيرة الوراق، أمس، أمام قسم الطوارئ والاستقبال بالمستشفى المركزي بإمبابة، رافضين تشريح جثمان سيد الجيزاوى الشهير ب"الطفشان" ضحية الاشتباكات التى اندلعت بين قوات الأمن والأهالى.
ومن جانبها قالت نادية حسن، شقية الضحية ل"المصريون": "أخويا اضرب برصاص الداخلية وهو بينقذ طفل صغير والحريم اللى كانت موجودة لما العساكر اعتدت عليهم بالضرب تقصد (الأمن المركزى)"، وتابعت: "حسبنا الله ونعم الوكيل مفيش رحمة ولا دين، الداخلية هى اللى موتته بطلقتين واحده خرطوش والثانية حية فى صدره".
وأضافت: "سيد مش إرهابى زى ما الإعلام بيقول، أخويا كان بيشتغل على عربية كسح (عربية إزالة مخالفات الصرف الصحي) عشان يصرف على أمه ولسه متجوز من سنة ومعاه عيل عنده 7 أيام".