السيسى: "منبقاش رجالة لو سيبنا مغتصب ياخد أرض مصر"

توعد الرئيس عبد الفتاح السيسي، أباطرة ومغتصبي الأراضي بملاحقتهم واستعادة الأراضي بالكامل خلال الفترة المقبلة، لافتًا إلى أنه تابع عن كثب ما يأتى في هذا الإطار مع الجهات المعنية دون النظر إلى الحديث عن انخفاض شعبيته من عدمه.
وقال "السيسى" على هامش مشاركته في افتتاح مشروعات قومية بدمياط: "مفيش حد فوق القانون وفوق الحق وبأكد للمصريين أنهم قادرون على أنهم يستعيدوا أرضهم لأن هذه أرض الناس وأرض مصر وأرض القادمين من أبنائنا ولا يمكن أن نفرض فى متر أرض واحد".
وتابع: "أقسم بالله طول ما أنا عايش محدش هياخد أراضي الدولة لأنه لص أو حرامي أيا كان مين هو، أنا عايز أقول منبقاش رجالة لو سيبنا مغتصب ياخد أرض مصر".
ووجه الرئيس كلمته للمصريين "أنتم عارفين أنا بوريكم الصور دي يا مصريين، عشان تعرفوا إننا لازم نستحمل شوية عشان نشيل الحاجات دي من حياتنا، صحيح الدنيا غالية، بس إحنا بنغير عشان خاطر الناس اللى مش قادرة".
وأضاف أقول للمواطن: "بنقوله إحنا كلنا معاك وبنغيرلك، مش هنسيبك هنا، مش هنسيب أطفالنا يطلعوا كدة، موضحًا "الأمور مش بالبساطة اللى أنتم فاكرينها، عشان تحول حياتك لأفضل مش بالراحة والبساطة، في معاناة لازم ندفعها".
واستطرد: "ولو البعض قالي خلي بالك الناس مش هتحبك، ميجراش حاجة، ولو قالوا الشعبية، ميجراش حاجة، بس المهم منبقاش كدة، لا يمكن طول ما أنا في مكاني أسيب الناس كدة أبدا، وأنا عارف إن المصريين بيعانوا".
ومن المقرر أن يفتتح الرئيس عددًا من المشروعات القومية الكبرى بالمحافظة، وفى مقدمتها مدينة دمياط للأثاث، حيث يجرى الانتهاء من تجهيز "هنجرين" يضمان مركزًا تكنولوجيًا لصناعة الأثاث، ومجموعة من الورش الصغيرة المخصصة لصغار الصناع.
كما سيتم افتتاح مستشفى دمياط العسكرى بمدينة دمياط الجديدة، وعدد من العمارات السكنية التى جرى الانتهاء منها بمشروع دار مصر بدمياط الجديدة ومستشفى الطوارئ.
يرافق الرئيس خلال الزيارة المهندس شريف إسماعيل رئيس مجلس الوزراء، وعدد كبير من الوزراء وكبار رجال الدولة، كما سيقدم المهندس طارق قابيل، وزير التجارة والصناعة، شرحًا لمشروع مدينة الأثاث، حيث من المتوقع أن يصل عدد المشروعات المفتتحة اليوم لأكثر من 33 مشروعًا قوميًا.