خناقة وتبادل اتهامات بين والد "يوستينا" ومحامي قاضي الحشيش

اندلعت مشادة بين المحامي محمود فرج - محامي قاضي الحشيش - والدكتور مجدي عبد المجيد - والد المتهمة يوستينا التي حكم عليها بالسجن عشر سنوات - في قضية قاضي الحشيش .
واتهم "فرج" والد "يوستينا" بتهديد القاضي الذي حكم على ابنته بقتل أولاده ، حيث رد "مجدي" قائلًا: "أنت محامي وجاي تدافع عن قاضي أنت عارف إنه عدى وخد الحشيش وحطه في العربية وظلم البنت وظلم الولد السواق .. أنا لو محامي مكانك وأقف عشان أدافع عن واحد مجرم زي دة بوظ المجتمع وضيع بنتي فأنا أستقيل من المحاماة أحسن لكن لما لغة الفلوس بتتكلم بيروح قدامها لغة القانون .. ومش هقولك لو بنتك قدام بنتي وأنت واقف في مكاني كنت هتعمل ايه ؟ هو بيقول إن بنتي خرجت من البيت الساعة 2 لكن دة محصلش بنتي خرجت من البيت الساعة 12 والقاضي فضل يضيع في الوقت ويوهمها أن الشغل هيكون بعدين عشان يخش على النفق ويعدي ".
وأضاف: "حط نفسك مطرحي .. حياة بنتي ضاعت .. وكانت الأولى على الكلية .. بنت عيلة ليها اسم ومتربية .. دي مكانتش خارجة مع سباك دي كانت خارجة مع رئيس محكمة .. أنت أغفلت على المحكمة الحقيقة وأغفلت إنه راح واستلم واتعامل مع أبو أشرف وأنت واخد 2 مليون جنيه".
و رد محمود فرج المحامي: "هو استحالة إنه يشبه ولاده ببنتي وهو بيقول إني أعلم أن القاضي كان معاه الحشيش وأنا راجل محامي بشتغل من خلال الأوراق زي قاضي المنصة .. معرفش هو كان معاه مخدرات ولا معهوش .. واحنا كمحامين بنشتغل من خلال القانون .. وهو بيتكلم إنه من كبار عائلات الزقازيق وهو له ابن أخ قاتل صايغ في الزقازيق وسارقه .. ولما يهدد أطفال صغيرين بالقتل فدي جريمة وأنا بتقدم ببلاغ للنائب العام فيه".
و رد والد الفتاة: "دة راجل بيخدم على أكل عيشه ويعمل اللي يعمله وأوعى تفتكر إن بنتك دي تيجي جزء بسيط في بنتي .. ومش هرد عليك في دي لأن أنت عارف أنت مين وأنا مين .. ومش هقولك إن أنت ممكن تعمل أي حاجة عشان تطلع متهم .. لكن أنت لو عندك ضمير كان لازم تنسحب بكرامة مش تدافع عن تاجر مخدرات ".
الفيديو: