بالفيديو.. أهالي بولاق أبوالعلا يروون تفاصيل انهيار منازهم

رصدت عدسة "المصريون"، حال أهالي منطقة بولاق أبو العلا خاصة شارع الخصوصي بمحافظة القاهرة، وذلك إثر انهيار عقار مكون من 4 طوابق، تسبب في تصدع عقارين مجاورين له، وأسفر عن انهيارهما في الحال، وسط حالة من الغضب والحزن والبكاء سيطرت على أهالي المنطقة خاصة الأطفال والسيدات .
وتمكن الأهالي من إنقاذ 7 أشخاص مصابين، وتوفي مسن يبلغ من العمر 60 عامًا أثر وجوده تحت الأنقاض يدعي حسين الليثي.
وكانت مصادر أمنية بمحافظة القاهرة، قد أفادت بأن عدد المصابين في انهيار 3 عقارات حتى الآن، قد ارتفع إلى 8 أشخاص بشارع الخصوصي بمنطقة بولاق أبو العلا.
ويقول محمد سمير، أحد سكان العقار المنهارل"المصريو ن"، "أحنا كنا نايمين وبعدين حسينا بهز جامدة فكرنا زلزال اكتشفنا بعدها أن نص البيت وقع، ودي مش أول مرة بيت في بولاق يقع والحكومة مش سألة فينا وسيبانا كده ياريت حد من المسؤلين يوفر لينا شقق عشان أحنا نايمن كده في الشارع من أمبارح".
فيما قالت نادية عمارة، أحد المتضررين من انهيار العقار المجاور لمنزلها:" أنا نزلت من شقتي أول لما البيوت وقعت ولقيت البيت أتهز جامد بيا خفت ليقع هو كمان لأنه قديم جدًا ياريت المسئولين تشوفلنا شقق نسكن فيها زى باقي خلق الله وتابعت أنا بدفع إيجار 800 جنيه لشقتي وأنا واحدة مسنة وبمشي علي عكاز".
وأضاف عم "محسن" أحد المتضررين أيضًا كنت موجود لحظة سقوط العمار بجيب ولدتي من فوق عشان تروح عند أختي مرة واحدة لقيت البيت وقع واخد نص بيتنا معاه و إحنا مرمين في الشارع اهو من أمبارح ولا حد بيسأل فينا والحكومة وأعضاء مجلس النواب عارفين أن كل البيوت اللي في حي بولاق قديمة وآيلة للسقوط وياريت حد من المسئولين يجوا يشوفوا بيوتنا اللي بتقع دي".