تلقيت تهديدات بعد ما«ركب الحنطور»

كاتبة مقال« اغمز يا سيسي»:

كشفت الكاتبة الصحفية غادة شريف صاحبة المقال الشهير "اغمز بعنيك ياسيسي" عن تلقيها اتصال هاتفي من «شخصية مهمة» بالدولة، يطالبها بالتوقف عن كتابة منشورات لها باسم "قفشات حمادة" التي تسخر فيها من الرئيس والحكومة.
وكتبت «شريف»- وهي زوجة شخصية عسكرية كبيرة- عبر صفحتها على "فيس بوك ":"تلقيت الآن مكالمة من شخصية هامة في الدولة و طلب منى أشيل البوست السابق و أن أتوقف نهائيا عن قفشات حمادة حتى لا أتسبب فى ضرر لناس تهمنى! هو انا كده ابقي بأتهدد وللا إيه؟ ده احنا ولا ايام صلاح نصر!».
وكان الإعلامي أسامة كمال، عرض مقطع فيديو للرئيس عبد الفتاح السيسي وزوجته، أثناء ركوب حنطور بعد وصولهم لمطار أسوان، استعدادًا للمشاركة في مؤتمر الشباب.
وكانت الكاتبة الصحفية قد بدأت كتابة سلسة منشورات عبر موقع التواصل الاجتماعي "فيس بوك" تحت عنوان "قفشات حمادة " تنتقد فيه بعض الاوضاع التي لاتعجبها داخل الدولة.
وكان البوست الذي طالبتها الشخصية الهامة في الدولة بحذفه هو :"و طبعا كل مسؤول فى الحكومة هناك اكيد هو برضه ركب الحنطور.. ترجن ترجن.. و اتحنطر.. ترجن ترجن.. طب ياترى كام واحد منهم بنفس الشجاعة يقدر يقف فى طابور السكر و يتسكر، او طابور الرز و يترزرز، او طابور الدقيق و يتدقدق؟ الواقع ان الغلبان اللى بيقف فى اى طابور من دول لا بيتسكر و لا بيترزرز و لا يبتدقدق، ده بيترن علقة موت و بيتكتب له عمر جديد لو نجى منها.. ده غير إنه مع ضعف مرتبه لا يستطيع بعزقة فلوسه فى إنه يركب الحنطور و يتحنطر.. بس مش مهم، المهم انهم هناك مبسوطين و بيتفسحوا و كل وزير منهم بيركب الحنطور.. ترجن ترجن.. و بيتحنطر.. ترجن ترجن..
وكتبت في منشور أخر :"مش فاهمة، ليه الناس منزعجة من كلام السيسى انه مش عايز الطلاق الشفوى يقع، هو انت تطول يا حمادة تبقى عايش فى الحرام؟ يعنى احنا مطلوب مننا بأمر الرئاسة اننا نركن على جنب الشرع اللى بيقول ان الطلاق هزله جد، و مطلوب مننا نحلل ما حرمه الله؟... مش كفاية الحكومة مكفرانا بالعك بتاعها، هى ناقصة كمان يكفرونا زيادة؟ نحن غرابا عنك عنك.. و بكرة بقى يا حمادة ابوك و امك يفضلوا عايشين مع بعض رغم وقوع الطلاق بينهم شرعا، فبعد بكرة بقى تلاقى والدك يسكعك قلم على وشك زى قلم عماد حمدى و يقولك انك ابن حرام علشان يخلع من مصاريفك، و بكرة والدتك ما هتصدق و هتقول لنفسها ياللا بقى حرام بحرام، فتروح تشترى كلب و تقف تحت عمود نور.. إذن، لو كلام السيسى اتنفذ هتلاقى كله هينبسط يا حمادة.. الا انت.. هيفضل برضه نحسك الدكر وراك وراك، لأنك يوم ما ربنا هيكرمك و هتلعب بذيلك فى علاقة حرام هتطلع هى هى برضه مراتك".