أديب: 3 ملحوظات هامة على بيان الإخوان الأخير

أكد الإعلامي عمرو أديب أن بيان جماعة الإخوان الذي أصدرته أول أمس لا يعني تفككها مثلما يروج البعض .
وقال "أديب" في برنامج "كل يوم" الذي يقدمه على شاشة "ON E" : "أنا طبعًا بخلاف كل الناس اللي قرأت البيان دة وطلعت تكتب عنه أنه انهيار وتهاوي لجماعة الإخوان .. لا دة قردي وعارف لعبه .. ولا بتتهاوى ولا حاجة اوعى تصدق".
وأضاف: "ياريت تتابعوا الحتة دي من البيان عشان تبين الحدية والندية وأن الأمور بقيت هما واحنا" .. حيث نقل أديب جزء من البيان يقول: "إن المكتب العام للإخوان المسلمين قرر أن يبدأ بنفسه تحقيق هذه الوحدة المأمولة ليعلن عن جملة تقييمات شاملة أجراها مكتب الخارج واستمرت عدة شهور تناولت أداء جماعة الإخوان المسلمين خلال السنوات الست الماضية وسيقدمها خلال أيام بكل شفايفة للجميع وندعو الجميع أن يحذو حذونا لنصارح الشعب المصري بما نراه جميعًا في أنفسنا من أخطاء وما قدمناه من إسهامات في مسيرة الثورة ، وليكن ذلك الإعلان بمثابة أرضية تعاون مشتركة نتفق فيها على المباديء الجامعة التي لا يختلف عليها أبناء الوطن لنضع سويًا ميثاق شرف الثورة المصرية ".
وتابع: "دي الشغلانة الجديدة الي هو عفا الله عما سلف تنسوا القديم وتعالوا نبتدي ، وزي مانتوا شايفين مفيش خطاب ديني والبيان كله مفيهوش آية واحدة ولا حديث ولا مظلومية ".
واستدرك: "كمان مفيش كلام عن الرئيس مرسي ولا عودة الرئيس مرسي" .. مضيفًا: "المجتمعات كلها دلوقت ماشية كدة .. كل واحد شغال كدة .. أنا إخوان .. أنا مسلم.. أنا مسيحي أنا سني أنا شيعي .. العالم كله بقى كدة .. احنا قاعدين جوة طوائف .. والدولة اللي تقدر تمسك نفسها وتقف بنيان واحد وزي ما شوفتوا كدة الرئيس عبد الفتاح السيسي ومن معه كانوا أقلية في الكنيسة ، مش هتعرف دة ديانته ايه ودة ديانته ايه؟".
الفيديو: