بالفيديو.. نائب اخواني يقول لأهل دائرته: خلوا المحافظة تنفعكم .. وعندما عاتبوه قال لهم: متبقوش تنتخبوني تاني

تداولت الكثير من الصفحات علي موقع التواصل الاجتماعي "فيس بوك" فيديو يظهر النائب جمال عشري عضو حزب الحرية والعدالة يتعامل مع أهل دائرته بنوع من التعالي وعدم الاحترام ..
ويظهر في بداية الفيديو سيدة تشرح للنائب حقيقة المشكلة قائلة : هناك اشخاص يجلبون "الانابيب" في الساعة الحادية عشرة ليلا ويبيعونها بمبلغ 60 جنيه للأنبوبة الواحدة ..
وتدخل أحد الاهالي قائلا: الناس اللي بتبيع الانابيب ب60 جنيه بتجيبها منين اصلا ؟
وظل الكثير من الاهالي يشرحون مشكلتهم للنائب إلي ان جاء رجل - يبدو من مظهره انه سلفي - وقال : انا من منطقة "الكنيسة" والانابيب هناك ماشية "محسوبيات", حينها انتفض النائب قائلا: انتا بالذات متتكلمش ومتقولش محسوبيات .. فرد شخص اخر قائلا: طب انا من العمرانية ومعندناش انابيب وماشية محسوبيات فأنفعل النائب قائلا: هو ايه اللي محسوبيات ؟ انتوا قاعدين تهيصوا ولا ايه ؟ .. هي هيصة؟ هو كل واحد حايهيص ؟ !
فقال له أحد الاشخاص : احنا بنروح ننضرب بالجزمة هناك .. امبارح واول امبارح في ناس متعورة هناك " يقصد مكان الحصول علي الانابيب"
فرد عليه النائب في عصبية قائلا: " مش عايزين كلام فارغ .. كلام فارغ انا مش عايز .. هو كل واحد جاي يقول كلمتين؟"
وأستطرد قائلا : أقفوا قدام المحافظ وشوفوا المحافظ هيعملكم ايه؟! .. بطلوا بقي شوية (!!)
فقال له احد المواطنين: هي فعلا غلطتنا يا فندم .. غلطتنا لأننا انتخبناك .. فرد عليه النائب : ايوة هي غلطتك يا سيدي ومتبقاش تنتخبني تاني .. فرد الرجل قائلا: هي فعلا اخر مرة .
وبعدها التف حوله مجموعة من السلفيين وأكدوا ان الانابيب لا يحصل عليها سوي الإخوان فقط فأشاح الرجل بيده وتركهم وانصرف ..
لمشاهدة الفيديو : إتبع الرابط التالي:
http://www.youtube.com/watch?v=pD9W80OiCSk