بالفيديو.. «المصريون» في ضيافة الأموات

سكان المقابر للسيسي: «افتكرنا علشان نفتكرك لما تجيلنا»
إحدى سكان المقابر: "بننتظر حد يموت عشان نعرف نأكل".
في جولة للمقابر رصدت "المصريون TV"، أحوال سكانها الذين وجهوا رسالة للرئيس قائلين: "خليك فاكرنا يا ريس.. إحنا بردو مواطنين بس غلابة".

"أعبر الطريق متجهة إلى مدافن السيدة عائشة، هناك حيث المقابر تضم بين جنباتها أجيالًا وأجيالًا لا تفرق بين ثري وفقير ولا صاحب سلطة أو خفير، تصادف في طريقك أطفالًا صغار تظهر علي ملامحهم الهزيلة آثار المعاناة والبؤس، يغالبون فقرهم وضيق حالهم بألعاب بسيطة يتسابقون داخل ملابس لا تستر أصحابها، أحبال للغسيل اصطفت عليها الملابس ذات الألوان الباهتة والثقوب الكبيرة تكشف حال أصحابها، بعض السيدات يفترشن الأرض أمام المدافن أمامهن بعض الأواني يغسلن بها ما هلهل من الثياب، وبعض من الرجال ممدد علي الطريق في انتظار ضيف جديد يحصل من ورائه بعض الجنيهات، داعين في نفوسهم أن تزيد مقابرهم بالعشرات وتمتلئ علي أثرها الجيوب بالجنيهات".
"طوق النجاة"
"والنبي وصلي صوتنا، لو تقدري تساعدينا، إحنا غلابة ومافيش حد عارف عنا حاجة، قولي للسيسي إحنا انتخبناه علشان يريحنا، خليه يرحمنا من اللي إحنا فيه" كانت تلك الكلمات عندما عرف سكان المدافن هويتي.
أطلقت صرخاتها في شجاعة رافضة مشاعر الخوف التي اجتاحت من حولها عندما أشهرت كاميرتي للتصوير، سميرة محفوظ سيدة، أربعينية، وجهت رسالتها صريحة مباشرة إلى الرئيس عبد الفتاح السيسي، قائلة: "يا سيسي إحنا انتخبناك دور علي الناس اللي في المقابر، إحنا منسيين يا ريس وأنت قلت إنك مش هتنسي حد".
وتابع: "طول عمرنا عايشين هنا، زهقنا لا قعدة ولا نومة ولا حتى حمام عدل، ولادي كبروا شباب وبيدورا علي حالهم حرام يكملوا زيي اعتبروهم أولادكم، والشقق اللي قايلين عليها ب5آلاف و10 آلاف نجيب منين إحنا بنستني حد يموت علشان نعرف نأكل".