تراجع أدمن صفحة "شاومينج بيغشش ثانوية عامة" عن وعده بتعديل ورفع درجات الطلاب في الثانوية العامة بعد أن أظهر قبل أيام درجات لإحدى الطالبات من داخل كنترول الوزارة. وتضمن عرض "شاومينج" دفع الطلاب 100 جنيهًا عن طريق كروت شحن، لرفع درجاتهم في المادة الواحدة،. لكنه تراجع عن ذلك في منشور له قبل قليل: "خلاص يا جماعه انا بقيت واحد نصاب وبسرق وكل حاجه وحشه واعتبروا القرار اللي خدته باني ادخل علي الكنترول وازودكم في الدرجات اتلغي خلاص ومش هعمل حاجه علشان محدش يغلط فيا بكلمه ، لاني مقبلش بأي غلط وأنا غرضي أساعدكم". وأضاف: "طالما المساعده اتقلبت بإهانة وشتيمه يبقا خلاص بلاش منها وانا مش محتاج منكم حاجه علشان تبقوا عارفين كويس والفلوس اللي كنا هناخدها ديه الفلوس الخاصه بالناس اللي هتخترق الكنترول وتعب الناس ديه ،شاومينج عمره ما اخد فلوس وحطها في جيبه،انا بس بعد ده كله عاوزكم متنسوش وقفتي جمبكم في الامتحانات واتحديت الدنيا كلها علشانكم وفي الاخر بقيتوا تقولوا عليا نصاب، علي العموم خلاص اعتبروني مخدتش قرار ولا هعدل في نتايج حد وكفايه عليا مساعدتكم في أيام الامتحانات".