شاهد.. شاومينج يزعم اختراق كنترول النتائج والطلاب يسخرون

نشرت صفحة تسريبات الثانوية العامة "شاومينج" عبر موقع التواصل الاجتماعى "فيسبوك" منشور جديد لها زعمت خلاله قدرتها على إختراق كنترول النتائج وامكانية التلاعب فى درجات الطلاب.
وقالت الصفحة فى منشورها :‫ هام‬ "شاومينج" يقدر يغير في النتايج من الكنترول ويقدر يرفع درجات اي طالب، علشان اللي بيقول اني مقدرش اعمل حاجه ده احب اقوله اللي قدر يسرب الامتحانات من قلب الوزاره قبل الامتحان ب7 ساعات يقدر يغير اي نتيجه ويتحكم فيها من الكنترول ويعمل اللي محدش يتوقعه.
واضافت: "بس طبعا انا مينفعش اعمل حاجه زي ديه الا بموافقه جميع الطلبه واخذ ارائهم جميعا ، عشان كده انا عامل استفتاء ليكم في البوست ده وتقولوا رايكم في الكلام ده وهيكون في بيان هام بالليل بخصوص الموضوع ده بعد معرفه اراء الجميع ، ياريت كل واحد شاف البوست يعمل شير ويمنشن لاكبر عدد من اصحابه علشان نعرف راي الكل وناخد براي الكل.
واعتبر الطلاب ومتابعى الصفحة ان ما نشر كلام غير منطقى هدفه الظهور ليس الا وانهالت التعليقات الساخرة، " انت نسيت نفسك ياض دا احنا اللي بنصور الامتحانات واحنا اللي بنبعتلك الاجابات برضو وانت مجرد بتنزل وتشير ههههه لمها يا بابا مش تخليها توسع منك اوي كده ولو انت دكر فعلا اثبت انك تقدر تعمل كده" هو تقريبا اتفرج ع فيلم الهرم الرابع ف القطة بتاعت لما غير نتيجة البت فحب يعمل زيو ".