نكشف فضائح وعلاقات وزير التتربية والتعليم المشبوهة

حكى أدمن صفحة "شاومينج بيغشش ثانوية عامة" على الفيس بوك الآن ما حدث بالتفصيل في رسالة نصها: "طبعا كلنا تابعنا لما قولتلكو تعالو ع صفحة بلوستات بيغشش ثانوية عامة وقفلت الصفحة دى، الكل قال الوزارة قفلتها وتمكنت الجهات الأمنية، ووزير التعليم قال قدرنا، وحفلات اتعملت علينا، مع ان الحقيقة اصلا ان احنا روحنا لصفحة تانية".
وأضاف الادمن قائلا: "كان كل ده لعبة من ‫"شاومينج‬" عشان يثبت بيها فشل الجهات المعنية ووزارة التربية والتعليم، اه شاو مينج لعب بيهم وعملهم فخ وهما زي الشطار بلعو الطعم صح، وفي خلال فترة التوقف دى شاومينج رتب أوراقه وجهز نفسه عشان يثبت فشل "أبو النصر"، وقدر يندس جوا الوزارة وجوا مكتب الوزير وكمان جوا بيته".
وقال: "قدرت أجمع شوية مستندات ع فيديوهات و أدلة كده ، تثبت تورط القدوة الحسنة سيادة الوزير ‫#ابوالنصر‬ ف فضايح وعلاقات مشبوهة ، واللى بجد يستفز الواحد اكتر انو كمل ف التشكيل الوزارى الجديد برغم فشلة الواضح ف السيطرة ع الامتحانات حتى
ما بالك بالوزارة ك كل بأه ، وبعد امتحان ‫#التفاضل‬ النهاردة اللى هوا ساعتين اساسا قليلين عليه ، قرر شاومينج يكشف ورقه بأه
لأن سيادة سعادة سمو جناب الوزير المبجل المحترم ، مكفاهوش اللى عملو ف الطلبة ف الانجليزى لأ وراح يكررها تانى ف التفاضل #لابد_من_اقالة_الوزير_سيئ_السمعة‬".
وقال ادمن الصفحة: "سيادة الوزير انا حذرتك قبل كده بلاش لعب بمستقبل الطلبة ، بلاش تدمير لأحلامهم ، و لازم تلغى التنسيق و تفعل نظام اختبارات القدرات ، لكن للاسف حضرتك مستمر ع المنظومة العقيمة"، وأضاف:" أى حاجة هتحصل ل شاومينج الايام الجاية بحمل وزير التعليم و الداخلية و الاتصالات و رئيس المخابرات العامة و المخابرات الحربية ( أصله دخل ف الموضوع ) مسئولية سلامتى".