يصدر قريبا عن دار «صفصافة» كتاب «مرة 1 مسلم و1 مسيحى» للكاتب محب سمير، وهو كتاب ساخر يلعب على وتر الصدمة من خلال تناول العلاقة بين مسلمى ومسيحيى مصر بشكل شديد السخرية، دون التطرق إلى الأحداث الطائفية أو رفع شعارات الوحدة الوطنية، بل يرصد العلاقة بين الطرفين وما يسميه «خبايا الطائفية» فى الشارع والجامعة وأماكن العمل. يتناول الكتاب العلاقة بين المسلمين والمسيحيين فى حوالى 100 مشهد سينمائى، وفقا لما ورد فى العنوان الفرعى للكتاب «كتاب سينمائى ساخر صنع فى مصر».. ومن المشاهد الواردة فى الكتاب المقطع التالى تحت عنوان «عشمان حنا»: «عشمان حنا يخش الجنة» مثل طائفى صميم.. واللى يقول غير كده يبقى حزب وطنى.. فالمعروف إن المثل ده بيتقال على موقف عشمان صاحبه يكسبه.. رغم إنه من رابع المستحيلات.. زى عشم المصريين كده فى الصعود لكأس العالم.. المثل مش غريب ولا حاجة.. وممكن تسمعه فى أى قعدة.. وكتير من المسيحيين بيسمعوه ويضحكوا..»