والله حرام

والله حرام.. تتقطع جثة بنى آدم.. إزاى هانام.. فعلاً غلطان.. لكن فى الأول والآخر يفضل إنسان.. وف كل زمان.. فى مجرم دايماً وقصاده فيه السجان.. لكن لو نحكم بالفطرة وقانون الغاب.. يبقى إحنا اخترنا طريق مليان أشواك وعذاب..
وارجع وباكرر هوه أكيد كان الغلطان.. لكن إنسان.. وهاقولها بعلو الصوت وبرأى صريح.. لا محمد يرضى بقتل جريح ولا حتى مسيح.. ولا أى ديانة.. خلينا قلوبنا لشهواتنا عايشة فى زنزانة.. يا قلوب عميانة.. نشفتوا الحبر اللى فى قلمى ومش لاقى كلام.. والله حرام.
د. أيمن يحيى - الجيزة