أطفال الشوارع

أطفال الشوارع تايهين فى الشوارع
وكل واحد منهم عايش تايه وضايع
ومسلم أمره لربنا ولحكمه خاضع
مايعرفش يعنى إيه أملاك
ولا إيه فلوس تبقى ودايع
مايعرفش يعنى إيه جزار
ولا يعرف يعنى إيه صايغ
لا عارف يدخل يا ناس جامعة
ولا حتى ياخد دبلوم صنايع
نومته من رصيف لرصيف
ومن كوبرى لباب جامع
وللأسف ياعينى مجتمعنا
لقضيته دائماً رافض وبايع
وتسأل أى مسؤول يقولك
هو اتعود يبقى كدا ضايع
علشان كده بأرجوك؛ وأقولك
ياللى تقدر تساعد
مد إيدك وساعد
طفل داره شارع
وطول الوقت حزين وجايع
ابنى له بيت من الضياع يأويه
ابنى له لو فصل واحد
يتعلم يقرأ ويكتب فيه
اشترى له حتى جاكت
من برد الشتا يحميه
اعطف وحن عليه
إدى له لو حتى جنيه واحد
يفطر فى الصبح بيه
عطا على أبوالقاسم