تنسيق المرحلة الأولى 2025.. أمكان الحصول على خدمة التنسيق الإلكترونى    أمين "مستقبل وطن" بأسيوط يُهدد في مؤتمر جماهيري: "إحنا دولة مش حزب واللي هيقف ضدنا مالوش حاجة عند الدولة"    تنسيق الجامعات 2025.. "التعليم العالي" تعلن القوائم المُحدثة للمؤسسات المُعتمدة    هل رفض شيخ الأزهر عرضا ماليا ضخما من السعودية؟.. بيان يكشف التفاصيل    الوقار الأعلى.. أسعار الأسماك اليوم في مطروح الجمعة 25 يوليو 2025    مصر ترحب بإعلان الرئيس الفرنسي اعتزام بلاده الاعتراف بالدولة الفلسطينية    "حماس" و"الجهاد الإسلامي": نحرص على مواصلة المفاوضات للتوصل لاتفاق دائم لوقف إطلاق النار    مدير الوكالة الدولية الذرية: على إيران أن تكون شفافة بشأن منشآتها النووية    تسجل 44 درجة.. بيان مهم يحذر من ذروة الموجة شديدة الحرارة وموعد انكسارها    القبض على شاب أنهى حياة والده بسبب خلافات أسرية بالمنيا    وزارة الداخلية تواصل حملاتها المكثفة لضبط الأسواق والتصدى الحاسم لمحاولات التلاعب بأسعار الخبز الحر    منة عدلي القيعي تروي معاناتها مع المرض خلال تحضيرات زفافها (فيديو)    إصابة عضو بلدية الضهيرة بجنوب لبنان بإطلاق نار إسرائيلي    ريبيرو يحاضر لاعبي الأهلي قبل مباراة البنزرتي    تقارير: الفتح يستهدف ضم مهاجم الهلال    عبد الحميد معالي ينضم لمعسكر الزمالك بالعاصمة الإدارية    سعر الذهب يرتفع 10 جنيهات اليوم الجمعة وعيار 21 يسجل 4630 جنيها للجرام    إزالة 196 حالة تعدٍ على أراضي أملاك الدولة بأسوان خلال 20 يومًا - صور    حفر 3 آبار لتوفير المياه لري الأراضي الزراعية بقرية مير الجديدة في أسيوط    تنفيذ 85 ألف حكم قضائي وضبط 318 قضية مخدرات خلال 24 ساعة    بعد تكرار الحوادث.. الجيزة تتحرك ضد الإسكوتر الكهربائي للأطفال: يُهدد أمن وسلامة المجتمع    الداخلية تنفي شائعات الاحتجاجات داخل مراكز الإصلاح والتأهيل    مصرع عنصر شديد الخطورة عقب تبادل إطلاق النيران مع القوات بأسيوط    واشنطن تدعو إلى وقف فوري للاشتباكات بين تايلاند وكمبوديا    انطلاق مهرجان «ليالينا في العلمين» بمشاركة واسعة من قطاعات «الثقافة»    بعض الليالي تترك أثرا.. إليسا تعلق على حفلها في موسم جدة 2025    بطابع شكسبير.. جميلة عوض بطلة فيلم والدها | خاص    عرض أفلام تسجيلية وندوة ثقافية بنادي سينما أوبرا دمنهور ضمن فعاليات تراثك ميراثك    شقيقة مسلم: «معمله سحر.. واتجوز مراته غصب عننا»    حكم الصلاة خلف الإمام الذي يصلي جالسًا بسبب المرض؟.. الإفتاء تجيب    «إدارة الوقت مفتاح بناء الإنسان الناجح».. موضوع خطبة الجمعة اليوم    «التأمين الشامل» توقع عقد اتفاق تقديم خدمات مع كيانات طبية بالإسكندرية (تفاصيل)    ملحمة طبية.. إنقاذ شاب عشريني بعد حادث مروّع بالمنوفية (صور)    تقنية حديثة.. طفرة في تشخيص أمراض القلب خاصة عند الأطفال    في عمر ال76.. سيدة أسوانية تمحو أميتها وتقرأ القرآن لأول مرة (فيديو وصور)    مسئولو جهاز العاشر من رمضان يتفقدون تنفيذ مدرسة النيل الدولية وامتداد الموقف الإقليمي    انخفاض أسعار الحديد وارتفاع الأسمنت اليوم بالأسواق (موقع رسمي)    وزير الخارجية يسلم رسالة خطية من الرئيس السيسي إلى نظيره السنغالي    الليلة.. الستاند أب كوميديان محمد حلمي وشلة الإسكندرانية في ضيافة منى الشاذلي    أسعار البيض اليوم الجمعة 25 يوليو 2025    إلكترونيا.. رابط التقديم لكلية الشرطة لهذا العام    عالم أزهري يدعو الشباب لاغتنام خمس فرص في الحياة    لتنمية وعي الإنسان.. جامعة قناة السويس تنظم تدريبًا حول الذكاء العاطفي    رونالدو يصل معسكر النصر في النمسا    مواعيد مباريات الجمعة 25 يوليو - الأهلي ضد البنزرتي.. والسوبر الأردني    «100 يوم صحة» تقدم 14 مليونا و556 ألف خدمة طبية مجانية خلال 9 أيام    نجم الزمالك السابق يوجه رسالة خاصة ل عبد الله السعيد    موجة حارة شديدة تتسبب بحرائق في تونس    شديد الحرارة والعظمى 44.. حالة الطقس في السعودية اليوم الجمعة    طريقة عمل بلح الشام، باحترافية شديدة وبأقل التكاليف    رسميا.. قائمة بالجامعات الأهلية والخاصة 2025 في مصر (الشروط والمصاريف ونظام التقسيط)    بعد عمي تعبان.. فتوح يوضح حقيقة جديدة مثيرة للجدل "فرح أختي"    تدهور الحالة الصحية للكاتب صنع الله إبراهيم من جديد ودخوله الرعاية المركزة    الآلاف يحيون الليلة الختامية لمولد أبي العباس المرسي بالإسكندرية.. فيديو    سعاد صالح: القوامة ليست تشريفًا أو سيطرة وإذلال ويمكن أن تنتقل للمرأة    وسيط كولومبوس كرو ل في الجول: صفقة أبو علي تمت 100%.. وهذه حقيقة عرض الأخدود    تفاصيل صفقة الصواريخ التي أعلنت أمريكا عن بيعها المحتمل لمصر    دعاء يوم الجمعة.. كلمات مستجابة تفتح لك أبواب الرحمة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



دى أشكال تنتخبوها؟!

يا شعبى العظيم المناضل.. أنا زعلانة منك قوى والله.. كلما تكررت هذه الظواهر لا أجد غيرك لألومه.. وذلك فى محاولة منى للاستهبال.. قال يعنى أنا مش منك ولا محسوبة عليك.. فأنت يا شعب السبب فى كل البلاوى.
فى عيد الأم الماضى وصلتنى رسالة من واحد صاحبى «أمى بتسلم عليكى وبتقولك.. دى أشكال تخلفوها؟».
الظواهر التى أتحدث عنها تكمن فى هؤلاء الذين تنتخبهم أنت يا شعب ليمثلوك فى المجلس الموقر.. مش كلهم طبعاً.. ساعات ربنا يهديك وتختار صح.. لكن يبدو إن الساعات دى قليلة شوية.. ما بتسنحش كتير يعنى.. وإلا لما تكررت الظواهر.. يعنى كل شوية تحصل أزعرينة سببها واحد من اللى إنت انتخبتهم.. مرة يطلع هربان من التجنيد.. ومرة هربان من الضرايب.. ومرة بيتاجر فى الممنوع.. ومرة فى الدم الفاسد..
وإشى بلاغ كاذب وتعكير أمن سلطات وإشاعة البلبلة والفوضى.. وطلبات إحاطة فشنك أو مالهاش علاقة بمهمته الأساسية فى المجلس.. وقضايا رأى عام تضيّع وقت الدولة والنيابة والقضاء وتنزل على فش تش.. وشوية استيلاء على أموال العلاج على نفقة الدولة.. وشوية يتدخلوا فى الفن دون فهم.. وشوية فى الكورة.. واللى بينفذوا توجهات ممنوعة أو محظورة..
واللى غاويين شهرة وبيطلعوا فى التليفزيون يدوشونا وخلاص.. واللى يطلع ماشى فى الزفة الانتخابية وهو حاطط دراعه أنجاجيه فى دراع قتال قُتلا.. واللى متورط فى سلاح.. واللى قضايا عاطفية.. واللى قتل.. واللى واخد قروض ومش مسدد ومتحامى فى الحصانة.. واللى يطلع يضربله تصريحين يخبّط فيهم فى أهل الفن والثقافة ويتهمهم بالقوادة وقلة الأدب..
واللى يدور عليه يلاقيه بيدافع عن فئة هو لا يمثلها البتة وكل علاقته بيها إنه كان بيحضر جن وعفاريت وضاحك على باقى الأعضاء ومفهمهم إن اللى مش حايسمع الكلام ويمضى الطلبات هايعزّم عليه ويلبسه جن زقنطط كده يعفرت أهله.. ده غير الصويت والزعيق والردح والتشليق وفرش الملاية ورفع الصرم على بعض تحت القبة.
وكله منك يا شعب.. وعلى رأى صاحبى: دى أشكال تنتخبوها؟؟.. ده فيه ناس ياشعب مالهاش شغلانة غير النداء اليومى بالديمقراطية.. والديمقراطية هى الحل.. وكل ما أسمع الكلام ده أحط إيدى على قلبى.. مانت اللى جايبلنا الكلام يا شعب.. ديمقراطية إيه بقى وانت اختياراتك عاملة كده؟..
المفروض فى الحملات الانتخابية تدرس البرنامج بتاع المرشح اللى هاتنتخبه عن الدايرة اللى انت فيها عشان تعرف حايعملك إيه.. ده إذا كان بيعرف يكتب أصلاً مش ضارب شهادة الابتدائية من ضمن ما هو ضارب.. بس انت ولا بتدرس ولا نيلة.. فى إحدى الحملات الانتخابية نزلت أحاول ألعب دورى معاك.. مانا شعب برضه.. لقيتك جايب فرقة مزمار بلدى ومتحزم وعمال ترقص وتهتف بالروح بالدم.. ما فهمتش إيه العلاقة بين الروح والدم والترقيص وندهت عليك: يا شعب.. تعالى يا حبيبى.. إنت بتترقص ليه يا بابا؟..
قلتلى أصل الراجل اللى هناك ده بيوزع.. قلتلك بيوزع إيه يا حبيب ماما؟.. قلتلى ورقتين بمية وتوب يفط.. يعنى إيه توب يفط؟.. قلتلى ما إحنا عرفنا بقى اليفط الكتير دى بتروح فين بعد الانتخابات.. فين يا ضنايا؟..
قلتلى ما قالها عمرو عبجليل فى «حين ميسرة»: بنفصل منها كلاسين.. قال يعنى مؤدب وماقالش الكلمة التانية.. سألتك طب وانت عارف العضو ده حايعمل إيه لما يخش المجلس.. قلتلى طبعاااااااا.. هايقدم الطلبات اللى إحنا محضرينهاله ويمضّى عليها الوزرا جوه الجلسة بدل ما هما قاعدين بيقزقزوا لب ويلعبوا على التليفونات السلم والتعبان..
أهه الأستاذ اللى هناك ده حايفتحلنا بقى حارة الصناديلى م اليمة التانية فماتبقاش سد.. وحايخللى الصرف الصحى يسلك المصرف اللى ف ريحنا.. وحايطلع ناس عمرة.. ويجيبلنا شوية علاج فى القومسيون.. وحايرخص التوك توك وينمره.. وحايجيب جهاز غسيل كلى بدل اللى عطلان فى الوحدة.. وحايعشينا فتة آخر الليل أول ما الصناديق تتكفى على بوزها وينجح.
يا بنى يا شعب دى مش شغلته.. مش مفروض يعمل الكلام ده خالص.. المفروض إنه يراقب الحكومة ويعجل بإصدار التشريعات اللى بقللت ودهننت فى المجلس دى.. ويشرف على الأداء عشان الوزارات والهيئات هى اللى تعمل الكلام ده للناس كلها.. مش كل دايرة وبختها.. مش شغلته يسرح زى بياعين البطاطا جوه المجلس يسلك مزاريب مسدودة ويحظ شوية ناس عن ناس تانية حسب البخت والقرعة ودعا الوالدين.. العدل لازم يعم الجميع يا شعب.. ده دوره الحقيقى فى المجلس الموقر.. فيه ناس بتعمل كده ومفحوت قلبها عشان تحقق المعادلة دى.. بس يروحوا فين وسط العالم اللى انت بتزيطلهم دول؟
الانتخابات قربت يا شعب.. كن واهجع كده وصلى على حبيبك النبى.. وفكر واستدبر شوية.. الأفندى اللى هناك ده اللى إنت حتى مش حافض اسمه.. بيدينى الورقتين أم مية ليه؟.. بيصرف الفلوس دى كلها ليه؟.. إوعى تقوللى عشان جمال عينيك.. بص فى المراية شوية عشان تعرف إن عينيك معفية م الجمال.. فكر شوية.. لما يصرف تلاتين وأربعين مليون جنيه على اليفط اللى هاتتحول لكلاسين دى.. مش هايرجعوله؟.. طب هايرجعوله إزاى وليه؟.. منين يعنى؟
أمانة عليك يا شعب.. حلفتك بسيدك النبى عليه ألف صلا.. وحياة الحاجة اللى راقدة على جنبها فى البيت دى يا شيخ.. والعيال اللى انت بتخلفهم وترميهم فى وشنا وعاوز تعلمهم وتربيهم دول.. تختار ناس متعلمة يا بابا.. ناس م اللى بيقروا كتب تخينة فى العلم والقانون والفلسفة والاجتماع والاقتصاد مش فى حاجة تانية.. ناس عايزة تعدى بينا لبر الأمان مش تكومنا فى العبارة اللى بتتقسم نصين فى عرض البحر.. ناس تخلصنا م التخلف والرجعية والبطء فى إصدار القوانين العادلة اللى تنصفنا.. ناس يعرفوا يدخلونا بوابة العالم المتقدم.. لحسن الخواجات اللى بره دول قربوا يفرشونا ع الأرض زى الحصر ويتمشوا علينا.. بس للأسف بقى.. مش حايكونوا حافيين.
[email protected]


انقر هنا لقراءة الخبر من مصدره.