«اللى بنى مصر حلوانى»

زمان قالوا اللى بناك يا مصر حلوانى.. المصرى تشوفه بيضحك وهو بيعانى.. يجاملك يسيب مصلحته يحب الكل بتفانى.. يساعدك ويجرى لصالحك وما يقول مرة آه يانى.. بنى بيته وحط الزرع وشجرة فل قدامه.. جميل قوى بيته وعارف حق جيرانه.. ولو جاره مريض ما تلقى صوت عالى فى مذياعه.. أصيل الطبع تشوف منه الفن وإبداع.. ماكنش القبح من طبعه ولا يصاحبه.. ويا خسارة هجم عسكر شكلهم منه.. وحقيق القول مش منه فزاد همه.. وهاجر هوه جواته.. وممكن يقتل إخواته.. وكاره يبص لمراته.. خدوا بلده وشقى جده.. ونهشوا العرض من بنته.. ومن ابنه ومن عمه ومن عيلته.. حثالة الناس بقوا أسياده.. وكسروا منه الأنف لعناده.. وذلوا كل الأهل وعياله.. يا خسارة دا كان المصرى حلوانى!!